搭的士買文具自己出錢 你會唔會貼錢返工

搭的士買文具自己出錢 你會唔會貼錢返工

返工係為咗賺錢,但如果返工時你自己要貼錢,你又願唔願意?

文章授權: 我做Marketing

 

有人會認為呢個做法匪夷所思,但現實的確有唔少人正在如此過活:

 

明知公司冇得claim的士錢,做到凌晨12點,自己都選擇call 85折的返屋企,爭取多30分鐘瞓覺時間;

 

明知公司team lunch嘅budget只有$80 per head,但都唔介意請條team去Wooloomooloo食一餐當慶功;

 

明知買每一樣新文具都要入紙同HR申請,但眼見全公司四十幾人要share一個鉛筆刨,所以特登走落陳湘記書局,買多4個鉛筆刨,奉獻畀marketing team專用;

 

明知老細叫同事每人hand carry兩個易拉架去event,但你自己就早兩日出錢將所有物資courier晒去場地。

 

雖然錢唔係萬能,但好多時都可以買到方便、賺到時間同贏到人心。

 

每日幾十蚊、間唔中一次幾百蚊,對比起你份人工嚟講,可能只係九牛一毛,但治本嘅方法都係要管數、睇budget嘅人明白,有時使多咗錢,賺到嘅反而更多。