大廈做完大維修 層樓賣貴幾十萬㗎!

大廈做完大維修 層樓賣貴幾十萬㗎!

文:1%Anthony

朋友: 「噚日代理帶我去睇咗個單位。」

筆者: 「點樣嘅單位?啱心水嗎?」
朋友: 「價錢都唔貴嘅,不過樓齡廿幾年啦。」
筆者: 「咁好後生啫。」
朋友: 「我好怕買二手樓!」
筆者: 「點解呢?」
朋友: 「仲未做大維修。」
筆者: 「正常丫,一般都過咗30年先做。」
朋友: 「我驚維修費好貴,隨時洗多幾十萬!」
筆者: 「幾十萬?我次次都係俾幾萬蚊咋喎!」
朋友: 「咁平?!」
筆者: 「係呀~~」
朋友: 「無端端要俾多幾萬都唔抵丫。」
筆者: 「又唔好咁諗,好多時做完大維修,賣貴咗幾十萬架!」
很多朋友都怕大廈維修要多花一筆錢。

如果你把大廈維修當作支出,肯定會不高興,然而如果你把它當成投資,隨時笑到瞓唔着!有些二手樓,經歷數十年風吹雨打,外表殘殘舊舊是常識吧,因此價錢亦會相對比較便宜,然而做完大維修之後,大廈耳目一新,就好似整咗容一樣!無論出租、出售都會更值錢。試想想,如果花幾萬元維修,完成維修後,你的單位可以增值幾十幾萬,何樂而不為? 抵唔抵?要睇幾個因素…
首先,要看看大維修包括甚麼。
如果只是一些看不到的工程,例如大廈水管、水箱等,其實對樓價的影響不大,如果是看得到的工程,例如大廈入口大堂、外牆、電梯,每層樓的電梯大堂、走廊等,都可以提升大廈的形象,尤其是大廈入口大堂,可以直接令大廈增值。

當然,亦要看看夾多少錢。
以筆者過往的經驗,一般單幢樓,如果每層有4伙以上,基本上夾幾萬元已經可以搞掂,如果要求高一些,例如外牆鋪瓦仔,可能要挾多些少,最近旺角就有一個小屋苑,大廈維修的棚架一拆,嘩!後生咗廿年,樓價亦即時彈升一成以上,物有所值!如果貪靚,維修後才買,就賺不到這一成多升幅了。
有些單幢樓伙數太少,例如一層只有一伙,那攤分的維修費用當然比較高高。但千萬不要以為伙數多的大屋苑一定便宜,因為有很多公用地方,加上工程龐大,涉及的資金隨時過億,萬一唔好彩有圍標,新聞都聽見,隨時要夾6位數。同時你買樓之前,亦可以看看電梯大堂的業主立案法團財務報表,看看是否有盈餘。

舉例,筆者幾個西環單位,由於立案法團平時盈餘很多,很多時都足以支付維修費用,其中好幾次維修,挾都唔使夾!
因此,別擔心大維修,幾萬元是值得花的!
筆者與戰友們,專揀未做大維修的舊樓,隨時賺多$幾十萬!擔心維修費用太大的話,記得唔好偷懶,多參與業主立案法團會議,掌握第一手資料,適當的時候提出反對。筆者與戰友們很多時候甚至會自薦加入業主立案法團,參與其中。最近有幾個工廈項目,我們都有加入業主立案法團,而且提出了維修方案,例如大廈大堂、外牆等,令物業進一步增值,回報更高!