你有無玩FB、IG同Snapchat   真係日日機不離手

你有無玩FB、IG同Snapchat 真係日日機不離手

文章授權:電視汁撈飯

雪櫃值錢,因為佢可以好好保存一啲野,而今日IG Stories同Snapchat值錢,因為佢會幫你刪去一啲野。

依家身邊個個都變哂Mission Impossible既Tom Cruise,post完講完睇完既野就要delete。

其實由一開始到今日,都唔係好明Stories同Snapchat既存在係咩玩法。
好想同人share,但又唔想留底。

係時代變左,定其實人性一直如此——渴望被了解、注意,但又唔希望冒上沒有結果的風險,隨著科技發展,呢份人性既空洞終於被填補。
好想有人睇,又怕無人理。
現在無like無comment無壓力,簡直天作之合。
唔係要留住回憶,只係要留住目光,
上載的未必好有意義,只係為左打開話匣子。

好想同人交流,但好怕主動搵人交流,最好有人主動搵你,片段快速刪去;能增加曝光率,又不怕post太多被控訴惹人煩厭。

想得到一樣野,又怕付出代價,細細個已經學習鍊金術基本原則「等價交換」既小弟,睇唔透。

近年不斷每天在IG看到友人食日本野,廿件壽司分開廿個video;船P三十段片,轉黎轉去,但竟然一件bikini都未見到,實在憤怒。

慢慢,發現自己有個現象,多post相post stories既「朋友」,就算唔熟,都會經常搭咀:
「喺邊度架間餐廳」「你幾時去呀?」「貴唔貴呀件衫」;
socially inactive既好友,曾經幾熟,反而慢慢喺你既生命入面fade out,成為你呢套電影既茄哩啡。

今日,你搵左你無玩stories既朋友未?