港股熱爆 5號仔滙豐集氣區望佢翻身

有網民發起「5號仔滙豐集氣區」，只留下Emoji「瞓啦」 ，意指等滙控升，等到瞌眼瞓。 樓主簡而精地描述了滙控股價的走勢，滙控自7月以來，突破70元大關後，一直在73至78元區間拉鋸。 網民初心者宅男等得不耐煩，指「日日係度吽下吽下，好似今日買同埋聽日買無咩分別。」 另一網民隨即表示：「業績完都唔升既話可以走。等爆先追都未遲。」

滙控第三季度業績將於10月底公布。 網民looll稱，英國政治局勢不穩；加上英鎊係咁跌，今個月有機會跌穿70元。網民思歪更堅信，除淨後一定跌。 隨巴打愈唱愈淡，網民水能戴舟亦能賽艇哭訴，「可唔可以升到三至四年前的83元成本價，比我拎返啲錢？」

追港交所恐中伏

網民麥膠登則安慰巴打，未賺就當收息，但提示滙控今期大勇。樓主亦對滙控甚為長情，表明不到100元心不死。 網民雖對滙控若有所失，但集氣區內不乏「撐」、「上」、「滙豐好波」等留言，似乎對一代「股王」未至於過淡，希望「獅王」有日重振雄風。

至於近期受追捧的港交所（00388），行政總裁李小加指取消印花稅純屬市場猜測，股價兩日內曾高見230元，及後回落至222元，引來網民呻冤「港膠所正老千」、「垃圾股」，以表達不滿。 事實上，港交所股價自7月起鹹魚翻身，由195元起跳， 升至8月初的230元。 雖與大時代高位298元高位，尚有一段距離，但巴打早於今年6月已為港交所起題「鳯凰浴火重生」，希望旗開得勝。網民playstation急不及待稱：「我揸咗兩年貨，希望大升連本帶利還番。」

然而，港交所後繼不力，本週散戶更因跟車太貼，炒錯消息而斬到一頸血。 網民挾淡冇手軟哭訴：「大戶無人性㗎，畀番啲錢我呀。」 網民終國人感嘆，「我之前218（元）入咗四手，大市升又唔升，大市跌佢就跌足，成交過千億（元）就升兩、三蚊，今日大市跌就跟足，話佢係垃圾股，發洩下啫。」

網民Harrisking笑言中伏，港交所由230元一直跌到219元，以為跌到差唔多就入，結果又要坐艇。 網民3024770雖成為蟹民，但無懼風雨，續指超長線絕對無問題，同佢鬥長命。 港交所作為重磅藍籌股，似乎未能重拾大時代升勢，無論在兩年前買入，還是近期追入，一眾網民曾寄予厚望，至今則紛紛大喊中伏，甚至乎「無眼睇」，以後再作打算。 有見及此，本文將探索多隻恒指、國指成分股的投資價值，以免一眾巴打中伏，及時抓緊升浪。