【寶豬趣聞】我啲屎起角喎

職場

廣告

電話響起~

我:「你好~乜乜診所」
佢:「喂?」
我:「係~乜乜診所」
佢:「可唔可以問嘢呀?」
唔可以呀,BYE~
我:「請問先生想問啲咩呀?」
佢:「我啲屎起角喎」

起角喎?我有興趣知係咩角~45度角定90度角?定係犀牛角呀?
我:「…不如嚟睇醫生呀?」
佢:「起角都要睇?」
其實係我想知點起角法~
我:「擔心嘅可以嚟睇吓嘅」
佢:「但係我冇痛冇見紅呀

我終於按捺不住了:「咁點解你知佢起角呀?」
佢:「我見到囉!」

我:「點起角法呀?」

佢:「起角咪起角囉,你係咪玩嘢呀?」
我真心想知嘅:「隻角有幾大呀?」

佢:「姑娘呀?」
我:「嗯?做咩?」
佢:「你係咪有病呀?」
我:「吓?」
佢:「你係咁問,你唔覺核突㗎咩?」
我:「唔覺呀~又係你問先嘅,你一係嚟睇醫生啦」
佢:「我都係想問下咁嘅樣有冇咩問題啫」
我:「醫學上嘅問題你都係問醫生啦,嚟睇醫生啦~」
佢:「姑娘呀?」
我:「係~」
佢:「你連呢啲都答我唔到就唔好聽我電話啦,你聽完我講又一味叫我睇醫生,我打嚟唔係想聽呢啲㗎!

我:「我哋診症時間係上午十點至下午十二點九,之後就係三點半至七點九」
佢:「你冇嘢呀?」
我就梗係冇嘢啦,而家係你啲屎起角,又唔係我起角~

我:「有需要嘅請喺診症時間內登記,仲有咩幫到先生?」
嘟。

延伸閱讀:【寶豬趣聞】我返 Part Time 遇到呢位大姑

【寶豬趣聞】我啲屎起角喎