有$600萬現金在手 66歲已退休投資咩好

投資

廣告

問1:

你好,我今年66歲,已退休,有600萬現金,希望投資於一些派息穩定的股票,有那些選擇呢?

 

龔成老師答:

如果你已退休,那一定要建立一個穩健的組合,你可以利用「收息股」,以及「債券」去建立,各佔一定的比例,債券可選A評級的,息率雖不高,但相當穩健,可到銀行問。

至於股票部分,要建立一個組合,不要只投資一隻收息股,你可投資5-10隻穩健的收息股,例如港燈(2638)、香港電訊(6823)、合和公路(0737)、房託類如陽光(0435)、置富(0778)、內銀股如工行(1398)、建行(0939),基本上都有5%息,雖然股價增長有限,但本質穩健,只要平衡分配,就達至穩健的效果。(對照龔成信箱Q2961)

 

問 2:

龔兄。我最緊見到有朋友炒外匯孖展
好像好好賺咁
請問堅唔堅

龔成老師答:

過往我曾做過外匯孖展經紀,做銀行時亦有不少客炒外匯孖展,我見到不少客初期都有賺,因為佢地只會炒波幅,當上落不大時,密密食,有孖展效果,回報可觀,但當有突變時,佢地就會輸突,呢類市場大震盪唔知幾時出現,但一定會出現。

以我個人的統計,100個客,以長期成績總計(要用年做單位),有97個會輸,其中更有10個會TOTAL LOSS,有10個會輸突倉,要倒欠銀行錢(我試過幫銀行有CALL客、出信追債)。只有2個會賺少少錢,有1個會賺大錢。

我已經無做銀行、投資經紀,可以將d野講比你聽,有好多野,出面的「專家」絕對唔會同你講。(對照龔成信箱Q2962)

 

問3:

龔老師,隻136幾日升好多,好似俾人炒緊多D,我而家由蝕緊2萬變成倒賺8千,心情太興奮…..好想快D放曬賺左佢先但又覺得佢仲有上升空間,知道老師比較鼓勵買優質股長線投資,但想問問老師有冇買過炒股?

其實係咪突然大成交股價標升就係俾人炒緊?

龔成老師答:

我18歲初投資就是不斷炒股的,後來發覺唔work。後來明白投資道理,之後就長線投資。

大成交有很多原因,若果股價上升有大成交配合,一般都是正面的,短期可能仍會向好,但這股始終質素較一般,你可考慮分段賣出此股,分段獲利,因為這股始終長線投資的價值有限。(對照龔成信箱Q2963)

 

多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要3天以上才能回覆,若然是較複雜的提問,起碼要7天才能回覆,希望各位能諒解。

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:https://www.facebook.com/80shing
個人網站:https://80shing.skx.io/

 

延伸閱讀: