網民經驗大分享 各行秘密大踢爆
1.航空業
平均每隻機嘅ground time得60至80分鐘，視乎機種，再短嘅40-45分鐘ground time都有，由停定飛機開始計，落客10-20分鐘，上客又接近20分鐘，有幾多時間係執好㗎飛機比人坐？
所以飛機上嘅枱櫈可能一個月先消毒一次，平時抹都唔抹除非有人嘔同倒瀉嘢飲，但都唔會即時消毒，會將呢個座位block到最後先賣。如果班機overbooking咁個嘔吐物位就照比人坐！
2.飲食業
部份餐廳、酒店凍水、冰水都係水喉水，因為安裝濾水器出水速度太慢，所以好多餐廳會加檸檬辟走陣生水味。即使有安裝大型商用濾水器，出水速度比較快，但係個濾心幾耐先換就自己諗啦。
部份Café可能寫住蒸餾咖啡、乜乜花茶賣成$40-$50蚊，其實咖啡係一粒粒嘅膠囊沖出嚟，花茶係幾蚊一個嘅茶包，不過用個靚少少嘅壺裝。
部份西餐廳每晚都會將啲冷藏類食品換過期日期，而每朝開鋪嘅就要負責聞有無酸臭味，以防被發現；餐廳客叫海鮮會去魚缸活捉俾客睇，但實際廚房佬會係雪櫃拎雪藏嘅去煮！
3.中資公司
部份中資公司入職時填表格會詢問你係咪選民，仲會sms仲你選舉投邊個邊個！時不時仲要返內地training，會出email叫你睇大陸電影。
4.服裝店
部份服裝店電腦系統落後，有客人問第二間分店有冇，職員都係靠口述形容返個款比其他分店嘅人聽，通常有時廢事煩就會hold住一陣，然後覆個客冇。
部份平價衫其實污糟到離譜，每位衫都有無數塵蟎，員手會帶手套返工，試過有staff執衫執到爛手！
5.上市公司
啲數全部都唔準！
睇完衰公司黑幕，再同大家睇下內部員工！為大家盤點職場最乞人憎嘅六種人：
打工仔每天過著朝9晚6的辦公生活，加上OT，平日相處最多的不是家人、朋友、情人，而是同事。對筆者而言，對一間公司有沒有歸屬感、對工作的滿意度，都會受到與其他同事的關係和相處所影響。
筆者身邊有不少朋友都曾因為與同事相處不來而選擇轉工，外國有研究亦顯示大部分打工仔寧願冇人工加，都希望有合得來和容易相處的同事，但無奈現實中確實有不少麻煩和討人厭的同事。一起盤點辦公室裡，最不想遇到的6種乞人憎同事。
text ： chevonne photo ： 電影劇照 （原文刊於《新Monday》網頁）
除了上述幾個行業嘅黑暗一面外，在一間公司，都總會遇上一些令人討厭的同事，以下6種，你見過幾多？
6種最唔想遇到的乞人憎同事
一份理想的工作，除了是做自己有興趣的事情外，與同事之間的相處原來也十分重要，大部分人上班都是為了生計、為了賺錢，但英國專業會計協會AAT的研究顯示，有80%的打工仔寧願不加薪，都不想與不喜歡的人共事，可見有好的同事真的是薪金以外的一大bonus。但現實中辦公室內總有以下6種一碰到就想馬上避之則吉的同事（怒）。
01 | 是非精
「有女人的地方總有是非」，這句話並非冇道理，以為逃離了學校宿舍等地方便沒有是非？少年你太年輕了，辦公室內的是非分分鐘比讀書時期多。
甚麼辦公室戀情、被上司責罵、哪個人與哪個人不和等等，公司裡大大小小的事總有個人會一清二楚，而且他／她會以比保特在奧運短跑破的紀錄還要快的速度，傳進公司各同事的耳朵內，然後便成為公司裡的是非精，飯後或下班後的話題，他們可以像發表演講般評價他人，在你背後指指點點，樂此不疲。
02 | 擦鞋仔
打工仔想升職加薪除了可以像筆者般發憤努力工作外，亦可以考慮當一個擦鞋仔。
如你的上司是一個喜歡看人面色和只著重表面工夫的人的話，那麼公司裡一定會自然出現一群擦鞋仔，實質不用怎樣努力工作，只要在老闆前如哄女朋友般千依百順，口甜舌滑地讚頌老闆，便可以在公司裡步步高升，而你無論怎樣拼搏怎樣賣力工作，也不及你的擦鞋同事般得到老闆的賞識。
03 | 虛偽同事
虛偽的人其實無處不在，但在職場這個應該要懂得看眉頭眼額來做事的地方，如果對人對事依舊虛偽，人前人後兩個樣子的話，相信其他同事遠離你的日子不遠矣。
不知道大家有沒有試過有同事在你面前裝作很友善、處處關心你和樂意幫助你，博得你的信任和讓你不會在他／她面前有任何工作上的避嫌，但其實他／她以為自己在做間諜般和上司不斷打你的小報告，俗稱「兩頭蛇」。
04 | 卸膊同事
「有事鍾無艷，無事夏迎春」，如果你曾經有這類朋友的話，那麼在職場裡遇到這種同事更不會感到驚奇，試問身邊有幾多同事跟自己真的做到「有福同享，有難同當」？
當有功有bonus分的時候，卸膊同事一定會馬上去領去認威，但當公司業績不佳或有「鑊」要孭的時候，第一個表現得無辜和不知情的人亦是他／她，而最後要替他／她補鑊的是你（哭）。
05 | 愛理不理同事
無論甚麼類型的工作，很多時候都講求團隊合作，由團隊工作之中可以分辨一個人對工作的認真程度和態度，當中一定有主動帶領著大家的同事，亦有默默努力地工作的同事，而最令人煩擾的，一定是愛理不理的同事。
這種人你不能說他沒有為團隊付出，但前提是要你不斷催促他、鞭策他的情況下，他才會願意動一動，勉強地跟上大家的工作進度，試想想，如果整個團隊都是這種人的話，真的別妄想可以準時下班。
06 | 亂搞男女關係同事
雖然大多數辦公室戀情都不被世人看好，但如果愛情來到的時候，擋也擋不住，前提是兩人交往也不會影響到其他同事和工作效率，無奈辦公室內亦有可能會遇到「狗公」和「姣婆」。
他們不止喜歡在辦公室內調情，亦喜歡若無其事地與顏值相當的同事甚至上司搭訕，甚至主動調戲，名副其實地「邊度食邊度屙」。
