網民熱話 香港80、90後生不逢時
廣告
最近某大討論區有篇講生於香港嘅年青人生不逢時，衣食住行樣樣都貴，冇父幹就冇希望。唔知80、90後們認唔認同？
人工追唔上通脹
唔洗講買樓，香港嘅80、90後如果冇父幹每個月剩係衣住行嘅洗費已經洗晒大部分人工。就算你係大學生，如果唔係啲專科其實大家份人工都係萬幾蚊起跳（未計冇父幹大學生要還grant loan）。份人工仲要加得唔快（唔轉工就唔洗諗老細會加俾你）。
購物天堂vs生活成本之都
假設你係個獨男/女，平時好少約人/出街，扣晒返工搭車食飯俾家用，其實儲得唔係好多。香港以前俾人叫「購物天堂」真係冇改錯，因為如果你俾得起錢香港的確係天堂，不過唔好意思如果你窮的話都係返屋企玩手指啦。
皆因香港地少人多，想同伴侶/朋友/家人出街就一定要洗錢。想唔用錢又有娛樂？得呀去行山郊遊幾健康吖，不過到咗假日易行嘅山野路線仲熱鬧過旺角尖沙咀銅鑼灣囉。
80、90後儲錢買樓
後生仔冇父幹Daddy俾首期/送樓，真係唔洗諗儲首期買樓。樓市一日係咁升，你離目標就愈來愈遠。就算你有父幹有Daddy幫你俾首期，你未來幾十年每個月人工都要供樓㗎，慢慢加油啦。
