26歲工作3年儲到$10萬 長揸中銀盈富增值好唔好
問 1：
你好丫，龔成，我有問題想請教下你…
我26歲，工作3年多，因頭兩份工人高吾高，3年黎都只係儲到100k. 其實有留意股市，好想投資，可惜有時太忙留意吾夠勿切，吾夠膽，一次又一次錯失機會。
現在好似已經太高位，又不適宜入手.. 當跌返落黎，我應該留意，同埋我係咪比較適合長渣一d隱定既股票，例如中銀？盈富？
龔成老師：
首先，坊間的炒差價是錯誤的，我地要做的，其實是資金的分配，股市現時的確不平宜，但如果你的財富中，只得現金，就是不理想的分配。
因為我地必需持有「資產項」，例如是優質股，令財富能平衡增值。
現時，你應買翻少少貨（但不能太多，因為現價不平宜）。可考慮動用其中$5萬，分幾次買入優質股，令價格平均，盈富（2800）、中銀（2388）、金沙（1928）都可考慮，要分幾次入。
另外，如果你每月能儲到錢，建議你做月供股票，只要供款時間長，價格能有效平均，很適合現時的市況的。（對照龔成信箱Q3491）
問 2：
你好老師，之前我都係短炒為主(388為主不過移加太高了），好彩多數賺小小冇咩點蝕。現在我考慮緊長期供股
之前以70.6 買入hsbc（只試2手）
策略上是否應繼續供股？
或者有冇其他更好的供股選擇？
現金持有15萬，每月可extra動用多約$3000供股，因現金不多，策略上應分散投資定供一兩隻股比較好？
謝謝，有機會都想上你d堂
龔成老師：
如果你現時只有匯豐（0005），應投資其他類別的股票，組合會更為平均。記住，我地投資不是炒，是建立一個資產組合，長期持有令財富不斷增值。
現時市況不平宜，現金可以動用一半，同時要分注買入，可選穩健股及收息股。
至於每月可儲$3000，可以進行月供股票，平穩增值股可以，例如盈富（2800）、金沙（1928）等。
期待課堂上見到你！（對照龔成信箱Q3490）
問 3：
老師，我朋友88蚊買入中移動，依家大市升，但佢好弱，已經跌到落80樓下。你認為值得繼續守落去嗎？定應該放翻d錢出黎買入其他股票？
佢入左20萬 係佢所有可以投資既錢
所以都好擔心啊
我依家仲係學生 但好欣賞你 我一儲夠錢就會報堂
龔成老師：
中移動（0941）本質不差的，有長線持有的價值，所以不用太擔心。
不過，中央只想電訊企業有「合理」而不「過多」的利潤，同時5G將會有較大投資，加上這股本身大隻，故增長有限，種種因素都令這股，只能有合理的利潤，股價只會平穩上升，不會大升。不過這股有質素，可守。
但你朋友將全部資金都只投資在一隻股票中，這是高風險的行為，我地應建立一個投資組合，每隻股票、每個行業的持股，都不能過多，這是重要的風險管理。
如果需要，當中移動反彈後，可能要作出減持動作，並建立一個更平衡的投資組合。
好，期待課堂中見到你。但你要記住，投資知識愈早得到，你的財富能更快。（對照龔成信箱Q3492）
多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。
另外，由於提問人數眾多，見諒無法即日回覆，如果是普通的提問，預起碼要3天以上才能回覆，若然是較複雜的提問，起碼要7天才能回覆，希望各位能諒解。
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
