等埋發叔後 民生優先

等埋發叔後 民生優先

今個星期最爆的新聞,肯定係「等埋發叔」。
筆者:「有冇搞錯?點會犯啲咁低級錯誤?﹗」

朋友:「係就係爆笑啲,不過對結果冇乜影響啫!」
筆者:「點會冇乜影響?」
朋友:「就算佢哋投晒票,都係42比28,唔夠2/3,都過唔到!」
筆者:「但係意義就爭好遠囉!」
朋友:「咩意義呢?」
筆者:「如果42比28,贏票輸盤,大條道理,大部分人支持。」
朋友:「唔…仲可以將責任推俾泛民,通過唔到,係佢哋責任。」
筆者:「而家8比28,大比數落敗,感覺好似一面倒反對。」
朋友:「咁又係,大比數否決,建制即刻冇聲出!」
筆者:「都好,如果通過咗,肯定又會有新一輪抗爭運動。」
朋友:「之前有新聞話搜到大批攻擊性武器,可能有大鑊嘢添!」

筆者:「而家唔使擔心,個個掛住笑,反而仲穩定。」
朋友:「直頭笑到反肚,充滿歡樂添啦。」

政改事件暫告一段落,贊成也好,反對也好,是時候暫時放下成見,先處理積壓多時的民生議題。特首梁振英亦宣布押後創新及科技局撥款申請,先審議多個經濟民生項目,泛民及多個政黨表示支持。

根據政府新聞網的資料,「涵蓋今年財政預算案提出的一次性紓緩措施,包括向領取綜援、高齡津貼、長者生活津貼和傷殘津貼人士發放額外款項、為公屋較低收入租戶代繳一個月租金、增加區議員酬津安排、啟動啟德體育園區前期工程、興建綜合康復大樓、安老院舍、調整公務員薪酬、成立回收基金、注資中小企業發展支援基金和中小企業市場推廣基金,以及支援建造業議會培訓半熟練建造業技術工人。」

月入三萬未能通過壓力測試

除了上述多項民生議題外,最多人關心的當然少不了房屋問題。
近年樓價不斷創新高,看見身邊等待上車的年青人,也替他們辛苦,最近有位年輕同學,儲了50萬元左右,想借90%按揭,買一個350萬元的單位上車,基本兩房一廳,樓齡30多年的二手樓而已,同學月入30,000元,不能通過壓力測試!

 正常按揭下壓力測試下
供款利率按息2.15%壓力測試5.15%
分30年月供12,948元17,948元
借90%按揭條件佔月入45%以下佔月入55%以下
入息要求28,773元32,633元

試想想,350萬元的單位,在今時今日的樓市,絕對是入門版!再想想,出來社會工作幾年,月入30,000元,絕對是有為青年!

一個有為青年,買一個入門版上車盤,竟然不能通過壓力測試?﹗政府呀政府,你係咪想迫佢去申請公屋先?

政府官員只係識講乜鬼嘢供求失衡,根本就係政策失誤!看見樓價攀升,就只會不斷「加辣」,額外印花稅(SSD)愈來愈長,供應愈來愈少,按揭愈收愈緊,壓力測試愈來愈難。問題是,這些政策不但沒有令樓價下調,反而愈來愈貴,尤其上車盤,呎價貴過新樓。

房屋問題應該重視

年輕人上車,樓價頻頻創新高,唔代表樓市好,只係代表年輕人缺乏買樓知識,俾業主、代理當水魚都唔知。

筆者建議除了積極增加土地供應,例如洪水橋、新界北這些大型項目盡快上馬之外,也重新檢討現時的「辣招」,到底發生甚麼問題。例如筆者看到的是,現時「辣招」目的只是令買的人減少。

但筆者認為,政策重點不僅令更少人買,而是令更多人賣。例如賣出物業後兩年內,只要不買樓就可以免SSD稅款等,是否可行?既然民生議題先行,房屋問題更應該重視。