買樓難  創業更難

買樓難 創業更難

朋友:「年青人唔應該俾層樓綁住自己!」
筆者:「點綁法呢?」

朋友:「又要儲錢,又要供樓,邊有發展空間?」
筆者:「點先叫做有發展空間呢?」
朋友:「可以無牽無掛,去追尋夢想!」
筆者:「夢想?例如呢?咩夢想?」
朋友:「創業囉!」
筆者:「創咩業呢?」
朋友:「總之係自己想開創嘅事業!年青人要有創意、有夢想!」
筆者:「但係創業唔單止有創意、有夢想就得喎!」
朋友:「例如呢?」
筆者:「資金呢?」
朋友:「租金咁貴,梗係唔夠資金啦!」
筆者:「就算免租,請人呢?架生呢?成本呢?」
朋友:「……」
筆者:「仲有經驗呢?知識呢?」
朋友:「……」
筆者:「如果生意失敗點算?」

上星期報章專題,不少年青人去完Working Holiday之後,都想尋找自己的夢想,創業去!今次這位年青人,將在外國見到的奶昔引入香港,借了大筆中小企貸款,用盡積蓄,在灣仔開店,換來的結果是月蝕50,000元,貸款又要開始還,點算?

一個成功故事 背後有99個失敗個案

好多人都話年青人不應該只想買樓,有夢想,就去創業!但又有沒有想過,根本無人教過他們如何創業?

創業是否如此簡單?只是有創意就得?有夢想就得?筆者自己都是沉迷創業的人,曾經與不同的夥伴,做過不下十盤生意,失敗的多,成功的少。

根據一些管理學著作的非正式統計,100間新成立的公司,五年之後會淘汰90%,剩下十間,再過五年,這十間又再淘汰90%,剩下一間。一個成功故事的背後,有99個失敗的個案。

每個失敗的個案,都有自己的理由,市場推廣問題?銷售策略問題?人事管理問題?品質監控問題?法律爭拗問題?經濟環境問題?成本控制問題?產品創意問題?每一個問題都是關鍵,每一個問題所要學的,都是一個學位課程!

先累積財富、經驗、人脈

為甚麼那麼多專家、學者會鼓勵年青人創業?難道他們自己未曾試過創業?不知道創業的高難度?

近年身邊不少事業有成,或者投資有成的朋友,包括筆者自己都不斷創業,隨着知識、經驗、人脈、財富的累積,明顯地成功的機會率愈來愈高。這就是創業需要有的元素,要時間去累積的!

因此,筆者建議年青人,除非你有很強的點子、支持……否則應該先出來工作,吸收經驗,同時亦可以先儲錢買樓,累積資產,幾年之後,當你累積了足夠的知識、經驗和人脈,而樓價升了亦為你累積了一定資產,有閒錢、有餘力、有機會的時候,才全力出擊。這樣才可以無牽無掛,做自己喜歡做的事。