網民熱話 屋企得一層樓  留俾細佬惹家姐不滿

網民熱話 屋企得一層樓 留俾細佬惹家姐不滿

相信樓呢樣嘢係香港地嚟講有幾咁重要,都唔需要再浪費唇舌去討論。近年愈來愈多討論區帖子,表示屋企人層樓大多數都會留俾男丁,惹嚟唔少家姐/細妹不滿,親情甚至出現間隙,認為家長應該公平,不過網民就有多面睇,其實留俾男丁都有好多合理原因:

1.男方要娶老婆

任何一位女性想同男朋友拉埋天窗,都希望有自己私人空間,甚至要喺有樓前題下先結婚嘅都大有人在!因此,男性想娶老婆變相要有樓係手,但女性想搵老公,答案好明顯係唔使!

2.外嫁女

家長往往留層樓俾仔,係因為華人思想中嘅嫁女就好似送個女比男家咁,普遍仲會覺得女方係幫人養仔養孫,所以屋企人點解要比錢個外姓人先!

3.女仔唔煩無得住

大家都識講,個個都留層樓俾男丁,即係你老公好大機會都有層樓,唔洗爭!

不過,依家時代唔同!屋企家產點分配的確都係一大難題,因為其實無人保證女方可以搵到好老公,有好依靠!

要搵一個公平得嚟大家又開心嘅處理方法,一家人惟有多加溝通。錢可以再搵,但親情出現裂痕就好難破鏡重圓。

延伸閱讀:

 

衛生署報告 15至84歲市民中有半數超重或肥胖

 

拿住$12萬出走 移民台灣港人至愛