網民熱話 有人印印腳有人無啖好食 供樓生活的8個處境

社會熱話

廣告

眼見樓市愈升愈有,當我哋呢啲職場食物鏈最低層嘅生物仲日日感慨上車無望、仰天長嘯之際,其實一班早年已成功上車嘅「人生勝利組」都有佢哋各自嘅經歷同供樓辛酸,因為雖則話上咗車啫,但都要供架嘛!如果買樓前無計清楚條數,之後供樓嘅生活,真係不足為外人道。

以下幾個都係聲稱活生生嘅供樓生活處境,有冇人話我知係咪所有供樓嘅人都係咁樣過?我真係唔知,因為我都未有資格知,嗚呀!

文:浩德

1. 畀人睇唔起

你無睇錯,供緊樓嘅人都會畀人睇唔起!原因係事主當年要留返個錢供樓,所以無錢去玩、無去旅行、無錢扮靚,影響生活質素,就係因為咁,事主當時就畀好朋友嘅女朋友睇唔起而唔開心。
(相信今時今日,有層樓喺手嘅你,唔會有人睇你唔起架喇!)

2. 供樓初期最辛苦

儲咗咁耐嘅錢,一次過用咗一大筆,要煩裝修、裝修後找數,基本上頭一年都處於乾塘狀態。加上買樓初期會經常Check成交及樓價,擔心自己買咗貴樓。
(真係聽到都驚。)

3. 生活如常無分別

呢位師兄就話自己繼續租樓住,另外買嘅嗰層樓就租出去,收返嘅租金就夠供樓同交雜費(自給自足),所以基本上生活無大分別,一齊如常。
(呢個供樓狀態真係好理想,係我嘅夢想。)

4. 無啖好食

有人就話供樓時:「食雞只能食雪雞,食好西只能去肯得雞」。又有人話:「食飯唔敢叫凍飲,食麥記唔敢加大」。講到要節衣縮食,無啖好食咁。
(其實而家雪雞、肯得雞同麥記都唔平,我自己都好少食…)

5. 戶口只淨$50

因連租約買樓銀行只批5成,加上首期預得太盡,結果事主要將所有股票發金器變賣,再靠超市現金券及信用卡積分嚟吊命。
(至於超市現金券及信用卡積分點樣可以吊命?我都未參透到,有冇人可以話我知?)

6.大使咗!

因為個個月都有租收有正現金流,令到呢位師兄覺得好似唔使做嘢,每月自動就多咗一筆額外錢,因而要提自己要努力儲錢。
(嗯,呢啲煩惱,真係唔係人人都感受到。小編表示:受教了。)

7. 嫌麻煩

供樓時成日要Check住銀行估價升咗幾多,覺得好麻煩!
(明嘅!我都好想試下呢種煩惱。)

8. 尿酸過多…

大呻好慘嘅呢位人兄,就話因為有租客幫手供樓,每月供完層樓之後仲有錢賺,搞到自己成日大魚大肉,最慘仲要肥咗十幾磅,Body Check報告話佢尿酸過多…..
(……法官大人,我無嘢講!)

延伸閱讀:

打工仔快速測試 你是否被炒高危一族