網民熱話 同居女友應否幫男友供樓?

網民熱話 同居女友應否幫男友供樓?

文:浩德

現今世代,男女先同居、後生仔結婚是等閒事,前題是你要有地方住,先有資格提出同居。當然,無論係有樓揸手或係租樓都可以同居嘅,只要雙方都唔介意。原本男女朋友同居,基本上只要雙方情投意合、家長又唔反對就可以,現實卻引申出另一個問題,就係「男友買樓,與女友同居,咁同居女友應唔應該幫手供樓呢?」

有絲打就話,男友層樓無加佢個名,而佢都有負擔部分日常開支,出街拍拖都有畀食飯睇戲錢。因為唔想畀朋友話佢「靠男人養」,所以作為女朋友嘅佢就有疑惑。雖然男友無提出要求,但究竟自己應唔應該幫手供樓呢。

對於呢個問題,就引嚟一眾網友嘅熱烈討論,有網友就斷言:「不!點解要供?」有人亦和應:「層樓無女方名,如果女方已經有幫手負擔開支,無理由仲要幫手供樓。」

另有很多網友嘅意見亦相當具有參考價值,如果你都有同樣嘅疑慮,不妨都參考下:

1. 有人養是福氣

有男人養你是一種幸福,應學習接受。層樓無你名,幫人供樓好傻。如果介意閒話被包,就快啲返自己屋企住,或者結婚。

(非常有見地嘅意見,有人樂意養你是福氣!如果怕閒話就唔同居囉,WHY NOT?)

2. 供嗰個是你、新娘可能不是你!

有網友就話唔需要幫手供,因為如果有咩事「散咗」,就即係等於幫佢供樓等作娶老婆,即係:供嗰果是你、但新娘不是你!
(如果最後真係咁,真係人財兩失,好傷心…)

3. 未結婚,變數大

「層樓要有你名先應份供、無你名真係唔應該供,同埋一日未結婚、一日都有好多變數,好多嘢講唔埋…」
(啱嘅,女仔係應該要搵啲對自己有保障嘅嘢,雖然結咗婚都可以離婚,但一紙婚書喺某程度上都重要嘅。)

4. 沒有應不應該,隨心就好

有位網友就好精準咁話:「沒有應唔應分可言,唔好用計數來想,分得咁開就唔好結婚。」隨心,想幫手供就幫手供,唔想供就算,唔好迫自己,尤其另一半無迫你,另一半薪水高養得起你係你福氣,唔好勉強自己,沒有應不應該的。

(隨心,想幫手供就幫手供,唔想供就算,唔好迫自己……好啱!我同意!)

延伸閱讀:

攞埋花紅即走 6大要轉工原因

打工仔快速測試 你是否被炒高危一族