父母眼中人工$14,000點做叻仔? 識搵錢唔一定靠份工

職場

廣告

文:Purple弟弟

社會由細到大都灌輸比我哋一種價值觀,就係萬般皆下品,惟有讀書高。依家後生仔讀完中學,上唔到大學都有一堆副學士、文憑可以進修,正常人都鍾意讀書多過打工,

因此讀書成為後生仔另一種逃避嘅工具,反正可以借政府錢讀又可以玩多兩、三年,Why Not!

當然讀得到書,搵到份好工嘅機會自自然然都會更高。不過,當我出到社會工作,有幸同唔少讀唔成書,唔受社會認可嘅年青人一齊工作。大家之所以會認為律師、醫生係

叻仔,老實講都係因為佢地高人工,如果用呢套價值觀套落呢班搵$14,000又讀唔成書嘅後生仔身上,其實你估佢哋唔到,原來佢哋都好叻仔。

有人天生係唔鍾意讀書但主意多多,善於社交廣結良朋,返工又可以穩穩陣陣完成到工作,仲善用空檔發展副業,接下freelance開下ig shop做代購,輕輕鬆鬆每月袋多五、

六千蚊嘅大有人在。

冇咁Social嘅,但善於精打細算有目標嘅後生仔,每月自己儲一大筆錢,再叫埋屋企人養成儲蓄習慣,幫屋企人製訂投資計劃,都可以有唔錯嘅回報。

有門技能嘅更可以開班授徒,尤其依家一街大學生,你識街舞、樂器、攝影等反而更顯得出你有過人之處,兼職做導師時薪可觀,搵到食自己又鍾意,財樂雙收,絕對稱得

上係「叻仔」!

其實搵錢方法有好多好多,你見公司咁低人工都唔辭職嘅人其實都唔一定係傻仔,反而將自己個搵錢途徑框死喺讀好書搵好工先係最易失世間財。