網民熱話  公司總有一個負責淘寶的同事

網民熱話 公司總有一個負責淘寶的同事

文:浩德

香港網購風氣愈來愈成熟,無論是國內的淘寶、海外的GMarket、Amazon,或是本地網購生活日常用品,都愈見普遍。與此同時,大家有冇發現,公司入面總會有一個「淘寶達人」,就係一個喺網上搵優惠特別叻,就算只係買一件普通嘅貨品,都會搵到最平靚正嘅返嚟,再幫大家集運返公司,網購慳錢技能極高!

更有人稱聲會利用返工嘅1/5時間幫同事淘寶,好誇張喎!大家公司又有冇一個咁樣嘅同事呢?

你哋又點睇同事幫手淘寶呢單嘢呢?

1. 買嘢煩少好多

有網友話公司有呢類同事,雖然3個月先一次,但跟大隊買,自己就煩少啲嘢。
(聽個語氣,好似想個淘寶達人同事幫手買得密啲咁樣樣!)

2. 多數買女人嘢

有個女同事係淘寶「專業戶」,但多數係幫女同事買衫買袋多。
(呢個網友似乎想女同事幫手淘下其他嘢…出聲嘛,一場同事唔會唔幫你架。)

3. 寄返公司慳運費

淘嘢就梗有啦,寄返公司仲可以慳運費添!
(無錯,通常網購寄貨如果寄去工商廈地址,都可以減收運費,小數怕長計,咁就再慳一筆!)

4. 一次過訂!有折

有個專負責買鞋嘅同事,會周圍問人要唔要買運動鞋,因為一次過訂十對有折。

(咁呢個同事其實都幾熱心,但係嗰十對鞋唔知可唔可以唔同款呢?如果一定要同款,咁咪全公司都著一樣樣嘅波鞋返工?)

以上網友似乎對於淘寶同事持正面態度,不過有人鍾意亦有人對呢個「淘寶同事」角色反感,理由如下:

1. 私事唔應該喺公司做

網購始終都係私事,辦公時間唔方便喺公司做,亦都唔會用公司電腦網購。而且,私人網購亦唔會寄去公司,以免濫用公司資源。
(呢位網友好乖好正直,簡直係模範員工,如果我係老細都會好鍾意你!)

2. 迫人夾份買!好討厭

好討厭呢個同事,因為就算事主無搵佢幫手買嘢都叫佢放工幫手取貨,仲會一大班人迫人夾份買夠數買平啲。
(咁做又真係唔係幾好喎!邊有得迫人架…咁衰!)

關鍵詞
淘寶