暑假搵工旺季 搵份好工無難度 完美CV 6大要訣+見工全攻略|職場制勝

暑假搵工旺季 搵份好工無難度 完美CV 6大要訣+見工全攻略|職場制勝

【搵工・CV.職場制勝】不少打工仔會趁拎完花紅跳槽,亦有一批準大學畢業生即將步入職場,所以踏入暑假,係搵工高峰期。想搵份好工,由準備CV到見工都有好多嘢要留意,快啲mark實以下嘅重點啦!
撰文:Smart ED編輯部|圖片:unsplash|資料來源:

搵工必備 完美CV 6個要訣

搵工前,履歷係第一印象,如果連份CV都寫唔好,唔可以吸引公司邀請你見工,咁無論你幾好口材、自問有幾多優點,間公司都係唔會知。

小編綜合坊間不同人事專家及前人經驗,得出以下七個寫好CV的心得,希望幫到各位搵工。

職場制勝 CV 履歷 諮詢人 搵工 見工 轉工 面試 HR 大學畢業 FG
履歷係第一印象,如果連份CV都寫唔好,唔可以吸引公司邀請你見工。圖片:unsplash

無懼CV變改,還是愈長愈愛?

畢業寫論文,千字文幾百頁紙,對住份CV,如果都係咁寫,勢要展示你GPA3.9的實力,咁就大錯特錯。

請你的人唔係教授,唔會用個幾鐘去研究你份CV。所以CV一頁起兩頁止就夠,最重要講做過邊份工,以及與申請職位工作性質相近的兼職、實習等。

另外,寫CV最好用簡單易睇的point form,而唔係一大段一大段文字,最重要係畀人一眼睇到你的優點,與工作相關的強項更要highlight。如果你當散文咁寫,人地唔會有時間逐隻字睇,無論你幾叻,人地睇唔到,唔想睇都係冇用。

職場制勝 CV 履歷 諮詢人 搵工 見工 轉工 面試 HR 大學畢業 FG
寫CV最好用簡單易睇的point form,而唔係一大段一大段文字。圖片:unsplash

學校獎項、工作經驗大曬冷?

小學做過班長、中學做過學生會幹事、大學上過莊等等等等,可唔可以表現到自己有責任心、有團隊精神、主動、有禮……?

呢類咸豐年前的職位就留係回憶啦,唔需要特登搵返歌唱比賽冠軍獎杯、禮貌大使獎狀出來,咁樣只會畀人覺得幼稚,無嘢搵嘢講。你已經長大,應該講多點相關工作經驗、在該行業有乜特別技能就可以了。

另外,年少無知的你,曾經在M記做過暑期工、髮型屋幫手洗頭,工作性質與你申請份工有成個宇宙的距離,呢類工就唔好提啦。

Well,你可以話M記係美國連鎖大公司,如果你口才了得,可以講到當時已經為呢份工鋪路,咁就祝你好運,但根據經驗,一般公司管理層唔會有咁多時間睇你篇「論文」囉。

職場制勝 CV 履歷 諮詢人 搵工 見工 轉工 面試 HR 大學畢業 FG
根據經驗,一般公司管理層唔會有咁多時間睇你篇「論文」。圖片:unsplash

唔同公司坦誠相對?

依家唔係相睇,無需要將時辰八字、星座運程、座右銘、政治取向、Facebook Account等等等,乜都同對方講。CV最好就簡簡單單,人生哲理有幾偉大,請你的人應該唔想知,都係寫返基本資料就可以,例如聯絡方法、教育、工作經驗。至於身份證號碼、地址等等係個人私隱,唔好亂俾人。

仲有,介紹自己時記得唔好寫太多無謂「虛字」,例如:Skillful、Hardworking等等,睇上去太多水份,只會覺得你在「吹水」,一樣無運行,都係寫返實際做過的工作、識得的技能會好啲。

職場制勝 CV 履歷 諮詢人 搵工 見工 轉工 面試 HR 大學畢業 FG
介紹自己時記得唔好寫太多無謂「虛字」,例如:Skillful、Hardworking等等。圖片:unsplash

用出位Email加深印象?

細個無聊申請的「[email protected]」、「[email protected]」呢類e-mail唔好用啦,見到只係會笑你,之後就擺埋一邊。

申請返個正常的email名,好似「[email protected]」,仲記得要用個人e-mail,唔好用學校或者你返緊兼職間公司。

耍雜技算唔算特別技能?

其中一項寫特別技能,正常係寫識咩電腦軟件、工程牌照之類,是與申請職位有關的技能。可能你見到「特別」好開心,寫哂耍雜技、整廁所、換燈泡呢啲,不如寫埋斟茶遞水、影印達人咁,話唔定老細會畀多份糧你!(曲線要寫明)

職場制勝 CV 履歷 諮詢人 搵工 見工 轉工 面試 HR 大學畢業 FG
寫特別技能,正常係寫識咩電腦軟件、工程牌照之類,是與申請職位有關的技能。圖片:unsplash

自拍當見工相?

根據非正式統計,有相的CV,獲邀請見工的機會係大啲,不過揀相都好重要。雖然你張Profile Pic自拍呃到成千個like,但呢類相都係send畀男神女神睇好啦,見工相都係搵專業人士影,仲要係著得四四正正,斯斯文文,除非你申請係模特兒,否則千祈唔好走在潮流尖端扮潮流教主。

仲有提提你,張相靚係會加分,正所謂「你的樣子如果,你的日子也必如何」,如果你一定要鬍鬚滿面扮浪子,咁相片都係可免則免啦,有標青的學歷同工作經驗重要啲。

職場制勝 CV 履歷 諮詢人 搵工 見工 轉工 面試 HR 大學畢業 FG
如果你一定要鬍鬚滿面扮浪子,咁相片都係可免則免啦。圖片:unsplash

搵阿爸阿媽做?

諮詢人唔係隨便亂搵,有人隨便搵阿爸、阿媽、朋友做諮詢人,諗住多就好。不過,親友的意見唔多客觀,一般公司都未必會參考。如果係朋友,除非是公司高層,否則找一個文員朋友做諮詢,亦唔會有參考價值。

其實諮詢最好就係搵大學教授、前僱主,客觀得來又夠權威,不過填寫之前,記住要預先徵得對方同意,否則人事部打電話去求證時,對方「矇查查」唔知發生乜事時,咁你的印象分即刻大打折扣。

職場制勝 CV 履歷 諮詢人 搵工 見工 轉工 面試 HR 大學畢業 FG
其實諮詢最好就係搵大學教授、前僱主,客觀得來又夠權威,不過填寫之前,記住要預先徵得對方同意。圖片:unsplash

見工必勝6大秘訣

CV只係博取面試機會,要成功獲得聘用,最重要是面試表現。就算你是創業做老闆,工作上亦會遇上向客戶或投資者present自己的profile。你可以將面試視為一項游說,學識當中的技巧,面試就可以如魚得水。

1. 自我介紹限制於三分鐘之內

面試就等於準上市公司搵人招股,將重點業務講得清楚明白就足以讓人信服。面試亦是一樣,只需短短幾分鐘就可以將自己的長處和重要經驗講出來,精簡最重要,多講廢話反而扣印象分。

職場制勝 CV 履歷 諮詢人 搵工 見工 轉工 面試 HR 大學畢業 FG
面試只需短短幾分鐘就可以將自己的長處和重要經驗講出來。圖片:unsplash

2. 答問題前停一停、諗一諗

被問到豆腐中挑骨頭的問題時,千奇唔好一秒即答。面試的人問的問題有虛有實,難的問題多是考你臨場反應,只要冷靜,停一停幾秒,整頓好再答。停幾秒絕不會讓人覺得你無準備,反而會帶給人一個深思熟慮的好印象。

3. 留意面試官會否問廢問題

一般人都會準備普通而且最正路的問題,例如:談談你的家庭情況、有什麼業餘喜好等等,不過當你發現面試的人問來問去都是這些問題時,你就要醒覺。這代表面試的人對你沒太大興趣,換言之,你成功獲聘的機會就會減低,你要花更大的努力去吸引面試官重新留意你。

職場制勝 CV 履歷 諮詢人 搵工 見工 轉工 面試 HR 大學畢業 FG
當你發現面試的人問來問去都是這些問題時,你就要醒覺。這代表面試的人對你沒太大興趣。圖片:unsplash

4. 將缺點變成優點

好多人好驚人問:你有什麼優點、缺點。講到缺點,多數人常常會說自己信心不足,做事不夠小心之類,不過這些說話不是面試的人想聽到。真正有技巧之作,是可以將缺點變成優點。

點 樣將缺點講成對工作的優點?首先,你要充分了解應徵的工作,知道其中的工作性質、範圍等,之後就可以針對這份工作而說出「自己的缺點」,例如: 在你調查後,知道這份工作需要自主、個人能力強的人,你便可以說你的「缺點」是向來做事都會「摺起衫袖」,太喜愛落手落腳做事,較少與人分擔工作,因我相信自己的工作會有質素保證。

這樣雖是「缺點」,但就正正是公司需要你的地方,同時讓面試官對你眼前一亮。

職場制勝 CV 履歷 諮詢人 搵工 見工 轉工 面試 HR 大學畢業 FG
真正有技巧之作,是可以將缺點變成優點。圖片:unsplash

5. 適當地誠實,唔識扮識被拆穿就是大敗

做人最重要是誠實,誠實面對自己的實力,講大話吹噓自己唔緊要,最怕是被人拆穿,被拆穿仲衰過實力唔夠,因為你的人格在面試的人心中已經破產。

6. 運用適當的身體語言

適當的身體語言是魅力的表現,充份的眼神接觸讓人感到你的自信,手部動作更可增加與考官的互動感,同時多些身體語言可讓自己放鬆,面對突發情況都有空間處理。

職場制勝 CV 履歷 諮詢人 搵工 見工 轉工 面試 HR 大學畢業 FG
多用身體語言可讓自己放鬆,面對突發情況都有空間處理。圖片:unsplash

相關文章