2018換新智能身份證  影靚相4大注意 | 防偽特徵 | 網上預約

2018換新智能身份證 影靚相4大注意 | 防偽特徵 | 網上預約

【2018新智能身份證】政府於今年底推出新智能身份證,相信如果上一次拎身份證唔合自己心意嘅你哋,係咪已經開始諗定點影張靚相先最perfect呢?新一代智能身份證上,相片面積會比現時嘅大三份之一。唔少人都好注重身份證上相片嘅效果,咁點樣先可以影到一張合心水又合乎要求嘅相呢?

文:Cheryl

尋日入境處助理處長陳天賜就出席咗電視台節目《講清講楚》,教大家幾項影新智能身份證要注意事項:

新智能身份證 影靚相4個注意位

  1. 避免帶很深色嘅眼鏡鏡片、太陽鏡
  2.  避免頭髮遮蓋面部或眼睛
  3.  濃妝並唔適合,各位女士化返個淡妝就可以啦
  4.  衣著方面,穿著有領嘅衫效果會更加好㗎

雖然助理處長表示著有領嘅衫唔係為咗比大家顯得瘦用,但亦提到因為身份證除咗頭以外,會見到部分上身,所以有衫領勾劃效果會好睇啲。

2018換新智能身份證 影靚相4大注意 | 防偽特徵 | 網上預約
今次新智能身份證換證預會喺第四季開始,預計2022年完成,需要更換約880萬張。

新智能身份證15年「壽命」

而市民換證時拍照嘅機會會多過一次,所以放心大家可以影到「滿意」為止!

今次換證預會喺第四季開始,預計2022年完成,需要更換約880萬張,比上一期換證數量多出約200萬張,新證「壽命」大約十五年,預計換證計劃提供大概216個短期職位。

2018換新智能身份證 影靚相4大注意 | 防偽特徵 | 網上預約
新智能身份證式樣

新智能身份證7個不同

究竟新證又有啲咩唔同之處?

  1. 晶片容量為 80 kB,比起舊證嘅 32 / 36 kB高出一倍有多。
  2. 雙重介面 (1. 接觸式, 2. 光學閱讀+無線傳訊)
  3. 資料保安 BAC+PKI 密匙
  4. 防偽特徵更新及加強
  5. e-道過關時間比以往快4秒, 憑新證只需8秒就能過關
  6. 可網上預約及自助填表
  7. 可自助領取
2018換新智能身份證 影靚相4大注意 | 防偽特徵 | 網上預約
新智能身份證 VS 現有智能身份證

另外,今次換證將會推出兩項便利長者嘅措施。有65歲以上長者嘅家庭,其實可以除咗自己換證之外,同時都可以帶埋同長者一齊去換證中心換證。

而另一個關愛安排,係會組成外展隊親自去到院舍,除了長者,一些殘疾人士、行動不便的,會上門協助辦理換證手續,唔洗佢地舟車勞頓咁辛苦啦!

延伸閱讀:

財政預算案派錢好嗎 千億盈餘有出路

財政預算案