有福同享唔好咩 真係希望政府派錢 | 財政預算案

有福同享唔好咩 真係希望政府派錢 | 財政預算案

政府派錢?新一年財政預算案即將出爐,未公布確實消息前已經有唔少人傳出疑似會派糖消息,令唔少市民喜出望外。不過希望愈大失望愈大,局長陳茂波接受媒體訪問時,都已經透露派糖機會唔高,如此大筆盈餘,到底港府會如何運用去還富於民,相信大部分人同我一樣,係完全唔抱任何期望同興趣。

如果政府都唔將錢用得其所,市民自自然然會希望派糖:

「横掂你都係亂使,點解唔俾返我自己亂使?」

例如,香港人口老化,市民對醫療需求倍增,相信唔少人都試過排睇症要等成大半年甚至幾年,果種感覺真係可以用絕望形容,但16/17年度政府就大減醫管局開支,同一時間又要求增加人手同病床,實在說服唔到我政府將錢用得其所。

如果政府派錢,你又想唔想?
如果政府派錢,你又想唔想?

講交通,屯公、西隧等地方成日塞車,但政府寧願搞高鐵同港珠澳大橋都唔優先處理市民嘅切身問題,已經唔討論所有工程都無限超支,投標都唔知為乜,高鐵個成效同定價都放過你唔講,但市民都看在眼內,想要返啲錢自己袋都好合理。

總括嚟講,我哋有唔少血汗錢都唔知花喺邊,港府今年財政儲備好有可能突破1.1萬億,每年稅有份交,福利回報最少嘅中產人士又唔知會唔會又再一次失望。

所以希望政府派錢嘅香港市民絕對唔係貪錢或者短視嘅人,分分鐘反而係聰明人。

延伸閱讀

人工$13,000由劏房搬到去公屋 終於明白香港人無理想係好正常

讀咁多書人工得$13,000 每次聽到都想喊