唔使帶錢 WeChat Pay HK 3大著數 | 智慧理財

唔使帶錢 WeChat Pay HK 3大著數 | 智慧理財

【WeChat Pay HK】冇人試過大頭蝦到明明趕時間但又咁啱冇帶銀包要返屋企拎?同朋友出街夾錢埋單咁啱冇散紙要企餐廳門口搞一大輪?

近排香港講得最多就係WeChat Pay HK,你對佢嘅認識又有幾多?

賣點係安全、快捷、高效

WeChat Pay其實係一種快捷付款功能,用戶可以通過智能手機快速完成交易付款。主要賣點係安全、快捷、高效嘅付款服務。喺舊年年底已經開始試驗在港推出二維碼支付,同天水圍天恩街市合作。

消費者只須喺WeChat中掃描QR code,就可解決日常生活中各種支付需要!當中包括個人用戶日常轉帳,以至支付的士費或於報攤、茶餐廳、超級市場及連鎖店等消費。

WeChat Pay HK
WeChat Pay HK在港使用愈來愈普及,在便利店、快餐店都可使用。

WeChat Pay到底有咩優點?又有咩咁方便?

  • WeChat Pay HK推出直接付款授權功能 (DDA),用戶可輕鬆透過全港17間銀行為錢包餘額增值。
  • WeChat Pay HK已覆蓋大部分香港主要銀行,用戶可盡情享受小額過數
  • 線上及線下付款
  • 跨境匯款
  • WeChat發利是等豐富的 “無現金” 流動支付新體驗。

WeChat Pay HK為用戶提供多種餘額增值方式,更提供綁定銀行戶口/信用卡,一鍵付款等便捷功能。

方式一 : 添加銀行賬戶或信用卡,透過WeChat Pay HK即時付款

如你係中國銀行(香港)、中國工商銀行(亞洲)、大新銀行、中信銀行(國際)嘅儲蓄存款客戶或香港任意一間銀行嘅VISA/MasterCard信用卡用戶,只需首次綁定銀行戶口/信用卡至WeChat Pay HK,便可無需提前增值賬戶餘額,享受即時支付。

方式二: 開通直接付款授權為WeChat Pay HK賬戶餘額增值

如果你唔係方式一中提及嘅4間銀行的用戶,你都可以在通過個人資料認證後,在WeChat Pay HK內設定直接付款授權(DDA),透過全港其他17間銀行戶口為WeChat Pay HK賬戶餘額增值。

方式三: 透過7-Eleven 為WeChat Pay HK賬戶餘額增值

你可到香港任何一間7-Eleven便利店向收銀員出示增值QRCode並支付現金,即可為賬戶餘額增值。

WeChat Pay推出咗咩好處、優惠同著數俾大家?

著數一: 查看交易數據簡單得多

用戶可以微信小程序申請、查看交易數據,用手機就可以搞掂所有野,唔洗再下下開電腦咁麻煩啦!

著數二:帶俾用戶更方便生活

WeChat Pay HK令大家本地出遊玩樂更加著數!繼本地的士及香港中旅粵港澳巴士接受WeChat Pay HK付款,依加港鐵乘客可以喺羅湖或落馬洲港鐵站內指定售票機以WeChat Pay HK或微信支付購買單程車票,方便本地用戶及訪港旅客穿梭港九新界,不論搭的士抑或坐港鐵都能享用更多支付選擇。

另外,香港麥當勞都正式同WeChat Pay HK成為合作夥伴!依加已經可以喺全港約240間麥當勞餐廳24小時全天候使用WeChat Pay HK流動付款及現金增值服務,香港人享受流動付款嘅生活再唔係紙上談兵!

著數三:多活動,又夠啅頭

WeChat Pay HK 早前仲舉辦咗商戶平台體驗活動,試驗初期有30個免費體驗名額。

開戶後頭6個月仲要係免手續費優惠,其後手續費最低為1%。

之前新春期間WeChat仲夠晒豪氣有『大派利是』活動,總值888萬元!只要

喺合作商戶使用WeChat Pay HK消費滿$68,就立即可獲贈$28 WeChat利是(每位用戶最多可得5封)

OK便利店、日本城都用到

合作商戶包括:OK便利店、JHC日本城(JHC日本城、生活提案、123…by

ELLA)、一田百貨、759阿信屋、莎莎、周大福、香港中旅粵港澳巴士、順便智能櫃、美心集團(美心西餅、東海堂、美心MX、香港地、MINH & KOK上環信德中心分店),稻香集團(稻香、稻坊、迎囍大酒樓、客家好棧、稻香超級漁港、潮樓.潮館、迎囍皇宮)等等。

雖然呢個活動過多兩日就完,但我哋深信好快WeChat pay會推出更多大型活動!

睇完WeChat Pay啲著數後各位有冇心郁郁都想試下用呢?

延伸閱讀:

學識好快做有錢人 3個水桶投資法

醒目儲蓄法

每月儲$10,000地獄式慳錢法 每月限使少過 $1,000

醒目儲蓄法