財政預算案派糖唔夠甜 打工仔受惠有幾多

社會熱話

廣告

今年度財政預算案出爐,無得派錢之餘,多項「派糖」措施亦都唔係人人有份。

財政預算案點樣唔夠喉

1. 向基層學生發放2,000元津貼

但2,000蚊嘅津貼只限於有申請學生資助或貸款的學生,對於其他學生黎講相當嘅不公平,夾心階層的學生無份之餘,亦都唔喺所有基層學生都會申請grant loan。再加上舊年林鄭都有向自資課程嘅學生每人派3萬蚊,唔喺讀自資課程,亦無申請grant loan既學生,其實一蚊都受惠唔到。

2. 派1萬張海洋公園門票

撥3億黎派海洋公園門票,但中小學生就有70萬人,70個中小學生爭1張門票。全港中小學一共約有1000間,平均攤均嚟派嘅,1間學校只得10張門票,而呢10張門票又點樣分配?如果一個家庭3口計算,就算個小朋友好好彩獲得1張門票,但都要比多2張門票嘅價錢先可以家庭同樂。況且,舊年海洋公園錄得虧蝕2.4億,今年陳茂波就撥3億出黎,唔難令人覺得呢3億喺用嚟幫海洋公園。

3. 未來5年建10萬公營房屋

10萬個公營房屋入面,有7.5萬個喺公屋單位,2.5萬個資助出售房屋。但在房屋問題上最嚴峻嘅中產夾心階層似乎未受惠。一班打工仔,面對住私樓樓價高企,又超過資助出售房屋的申請門檻,就算夠資格申請,睇幾個月前房協推出兩個資助出售房屋都超購130倍。但今年財政預算案在樓市方面既無加辣,亦無減辣,啫喺乜都無做。

4. 醫療開支撥款增加

醫療開支喺香港人最關心嘅一項,流感爆發,公院病床佔用率超過100%,前線醫護人員遠遠唔夠用。陳茂波就將醫管局在18/19年度嘅經常開支增加到60億,有助醫院增加病場同人手,都算喺舒緩醫療問題嘅政策,但好似醫護人手長期短缺嘅問題,就需要一個全面嘅措施。

今年財政預算案無乜新意,又唔派錢,除了退稅之外,無乜措施可以直接受惠一班嘅打工仔,而且唔係每個階層都受惠在「派糖」。

延伸閱讀:

財政預算案派錢好嗎 千億盈餘有出路

財政預算案