睇樓千萬別搵長輩同行

樓市

廣告

買家:「呢間平喎。」

親戚:「太低層啦。」
買家:「咁呢間呢?高層喎。」
親戚:「面積細咗啲,有冇人租架?」
買家:「不如呢間,高層兩房。」
親戚:「太貴啦。」
買家:「呢間呀,高層、兩房,開價又唔貴。」
親戚:「咁殘,仲有漏水添。」
買家:「呢間高層、兩房、唔貴,仲有裝修添。」
親戚:「梗係啦,你睇,西斜得幾緊要。」
買家:「呢間高層、兩房、唔貴、有裝修,仲向東添。」
親戚:「你睇吓出面先啦,樓望樓,個景咁差。」
買家:「間間都話唔好,咁即係點呀?」
親戚:「咁心急做乜?美國加息啦。」
買家:「英國啱啱脫歐,應該冇咁快加。」

親戚:「咪係囉,脫歐喎,股市都跌啦,仲買?」

很多年輕朋友睇樓,因為沒有信心,會找長輩幫幫眼。一來時間上會輸蝕,真正筍盤一定會比較多人爭,如果睇完之後不能盡快下決定,要約阿爸阿媽、姨媽姑姐星期六日再睇多一次,很多時候筍盤已經賣了。

很多長輩沒有實戰經驗

再加上很多長輩睇樓的時候,都會比較負面,包括筆者的老爸、老媽以往都是如此。無論你睇甚麼單位,他們總有理由反對,也難怪他們,因為他們怕你會輸,多做多錯,唔做唔錯。

是的,絕大部分人都有這種怕輸的心態。樓市升的時候,他們會覺得樓價太貴,應該等樓價跌的時候買,到樓市跌的時候,他們又會覺得經濟差,樓價會再跌,自己份工都未必保得住,買樓風險太高。入到屋,永遠只看到差的地方,問題是,這些長輩大部分都未買樓,又或者一生人只買過一、兩次樓,又怎能夠給你客觀意見?俗語所謂,識條鐵咩?

因此睇樓最好不要帶沒有實戰經驗的長輩同行,否則這輩子你也不會買到樓,哈哈!

以前筆者在家裏也是一個打四個,一講買樓,老爸、老媽及兩位弟弟都會反對。老爸總會說:「又買?你供唔供得起架?」老媽總會說:「利息好貴架,做乜借咁多錢?」他們認為不應借貸太多,應該先供完一層,然後再買第二層,對於筆者買完又按,按完又再買,他們覺得風險太高,擔心將來會破產收場。

高息年代影響思維

也難怪,因為他們在高息年代成長,經歷過按息十幾厘,每月供款九成還息一成還本的年代,自然擔心,尤其是老媽,可以黑面整整一星期,後來筆者買樓,都是先斬後奏的。

年輕人上車買樓,經驗尚淺,帶朋友親戚同行幫幫眼很正常,然而如果他們自己對買樓認識不多,只懂得左彈右彈,可以幫到你做決定嗎?重點是,應該要揀一些有物業投資經驗的戰友同行,投資者的思維與一般人就是不一樣,意見更具參考價值。

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看