港交所

港交所仲會唔會跌 咩價位入最好? | 龔成信箱

投資

廣告

今日龔成信箱,讀者除提問熱門的股票問題外,亦問有講及大市環境下,什麼股票比較適合投資者。

撰文:龔成 |圖片:新傳媒資料庫

1.388點睇

港交所仲會唔會跌 咩價位入最好? | 龔成信箱

請問成兄,香港交易所會否有跌既空間,另外現時咩價位入最好?

事關佢230位果陣留意緊佢
到而定290位
希望成兄幫助

龔成老師:

港交所(0388)的盈利來源,基於成交及上市等因素,個市旺時,佢的股價一定上升,我相信中短期佢的股價都唔會大跌,中間波動一定會,因為暫時睇個市仍然旺。

但這股現價已經偏貴,這刻買入的值博率不足,因為們的合理價其實係$200。當然,如果個市一直旺,佢會再上。

如你很喜歡這股,可以分注,現價買入小小後,等回落才再買入。目的令平均價拉低。

2.點睇近排熱炒醫療股

3309 希瑪強勢, 如果想長線1789 愛康醫療 佢有基本面配合又值唔值得睇高一線? THANKS.

龔成老師:

我自己一向睇好醫療醫藥類的相關股份,這就是我好耐之前已睇好中生製藥(1177)的原因,這個行業一定好賺錢,所以前景不錯。但我並不是在這版塊熱炒時睇好的,而是未炒之前。

所以,行業雖然正面,但近期已經出現熱炒,我對這刻才投資,有保留,如你有貨當然可以持有,但無貨,最好就不要投資,特別是近期炒得好勁的幾隻相關股。如果你看好這行業,可找一些無咁熱的股票,小注投資。

3.2628長線可行?

你好,我持有582,有擔憂, 所以轉入左2628 國壽 都係想長線

龔成老師:

藍鼎國際(0582)是財技股,過往不停供股合股,對小股東不利,不宜投資。所以將資金轉到其他優質股,絕對是好策略。

4.股市到狂熱程度了嗎?

龔成老師。請問現在的股市是否到了狂熱程度,是否要減持股票??

另外本人現有大約有300萬的現金想做到每月有20000元的現金流,請問可以嗎和怎分配資金??

龔成老師:

現時有某些版塊有小小熱,但大市,未到全面的狂熱期。

面對這類市況,如夠貨的,可以用「持有」作策略,慢慢等收成。

如果你本身無乜貨,但有$300萬現金,其實要入翻d貨,因為現金不是財富,資產才是,而優質股是其中一個資產項。這刻雖不平,但你都要入翻d貨打底。

現時市況,你可以動用$150萬,餘下先持有現金,等機會。如果你追求現金流,可以集中投資收息股,港燈(2638)、香港電訊(6823)、工行(1398)、建行(0939)、置富(0778)、陽光(0435)、合和公路(0737)都是可以考慮的,你可以建立一個收息股的組合,上述股票平均都有5%息的。你可以用分注買入的模式,分注吸納。

這刻要做到每月$20000現金流,未必得,因為整個投資市場的回報率都不高,所以你要用餘下的$150萬,等機會再入市,這個不要急,可能要等一兩年才把握到機會的,但只要捉到,就能為你組合創造可觀的現金流。

5.雷蛇高追點部署

你好,請問報章可以看邊幾份?

另外之前購買了雷蛇,但買入5.12高追左,想問下應該低位買入再等升少少放哂?

941 又在上年86買入, 應否現價離開?

龔成老師:

其實睇《經濟日報》已足夠。

雷蛇(1337)真係好難分析,只有極少盈利,但市值去到$300億,即是佢的概念價值,市場覺得值$300億。

但這個概念價值,其實值幾多錢?根本無人知,市場可以話佢值$500億,可以話佢值$50億,這隻股有潛力,但根本無得計價值可言,所以股價一定好波動。因此,要睇下你自己博唔博,因為佢本質根本無得估。

中國移動(0941)不差的,遲些的5G的資本開支,會令佢的股價仍受壓,但這股有質素的,長遠仍正面,有得守。

6.月供領展定中銀香港

你好,我的股票:

煤氣 2000股
地鐵 262股 (月供$2000)
盈富 1700股 (月供$1000)

另外$2000想供領展/ 中銀香港, 供邊隻較好?

龔成老師:

領展(0823)同中銀(2388)兩隻都優質,都可月供,如果你只想供其中一隻,就供領展,優質度好少少。

7.分析投資組合

老師,我現時持有:

2318 買入價$82 有1手
700 買入價$352 有1手
005 買入價$50 有3手

以上3隻可長線嗎?
這投資組合ok嗎?

現有3萬現金~想入175~什麼價位可入?謝謝

定將3萬分段買939 或 月供盈富好?
求指教

龔成老師:

持有的3隻股,都是有質素的股票,可長期持有,但匯豐(0005)所佔的百份比略高,因此在之後的投資,應該投資銀行股以外的類別,以作分散風險。

吉利汽車(0175)有少少貴,就算預佢下年盈利升50%,預測市盈率都去到20倍至25倍,如果要入,最好現價先小注,等回落時再入,升就唔入。

但如果較為穩健,月供盈富(2800)最好。

8.收息股點揀

Hi 我係股票初手,現只得以下月供股票:

盈富 (2800) $4000
港鐵 (0066)$ 3000
領展 (0823) $3000
長江基建 (1038)$3000
電能實業 (0006)$3000

現有三十萬預算再入市,但見市場太熱,不知道應該點選擇,個人希望收息潛力股都入手,龔老師有何建議?

龔成老師:

月供股票都是有質素的股票,就算而家市況不平,但都可以月供,只要長期進行就可以。

至於持有的$30萬,要小心運用,大市不平,但又未到全面的狂熱期,所以在策略上,要睇你的財富情況。如果你本身已經夠貨,那根本唔需要再入,持有現金等機會,同時持有原本的貨,等再熱的時候賣出部分。

但如果你未夠貨,就要入翻d後,但要分注,同時選一些較為不熱的版塊,策略上會較好。收息股如港燈(2638)、香港電訊(6823)、置富(0778)、合和公路(0737)都無過熱情況,其實都可分注入。

潛力股方面,比亞迪(1211)仍可考慮,當然,$5X是安全位,$6X分注,$7X只能月供。你可以小注這股先。

9.利邦、港交前景

龔老師你好,想問一問:891利邦同388港交所,分別係$0.69同$223入,想問一問前景如何

龔成老師:

利邦(0891)近年的生意持續下跌,佢已經連續3年出現虧損,但相信情況略有穩定的跡象,所以股價先有所回升,之前市值過低是令股價上升的動力,因為現時市值仍只有$14億,其實仍不算貴。

但這類股的不確定性大,股價會較為波動,要睇你自己博唔博,如果這算錢唔算大,而你又睇好這行業的回勇力度,其實可以等更大的回報。

港交所(388)是週期股,現時已到了貴的水平,但市況繼續旺,會令佢的股價再上升,現時市況未到全面狂熱期,你可以再等市況更熱時,先賣出這股。

10.金沙實際價值

老師又要麻煩你,我一直有留意老師的fb 知道金沙是老師愛股之一,想問一下現時金沙升到大約幾多錢,才會偏離實際價值太多呢?才會沽出

龔成老師:

金沙(1928)是優質股,基本上可以一直持有都得,從基本的估值分析,金沙在$4X已過了合理值的範圍,已過了買入區。

但好多時,我地持有優質股,就算少少貴,都會一持持有,要到好貴的水平,才有足夠的誘因地令我地賣出。所以,我會到$6X才會考慮賣出(只是考慮)。

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:facebook.com/80shing

個人網站:80shing.skx.io/