31歲月儲12K 持25萬現金 點投資令資產滾大|龔成信箱

31歲月儲12K 持25萬現金 點投資令資產滾大|龔成信箱

【投資】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:新傳媒資料庫

1.投資令資產滾大

老師,我對前路有點迷茫 希望你可以解答我

我本人今年31歲啦,月入大概平均23000左右 月儲12000左右,大概資產總值都只係得70萬左右

包括30幾萬嘅股票 但係都係得3隻股票。

10手煤氣@14.77,5手三盛集團@11.18,仲有15手因唔派特別息變蟹貨嘅和記電訊@3.18。

之後仲有投資咗一隻配售嘅美股天元集團2萬美金,仲有其他都係現金大約25萬左右。依家拎住現金唔知仲可以投資咩野,令到個資產可以滾大呢,有無好嘅建議?

龔成老師:

煤氣(0003)質素好,可以一直持有,三盛控股(2183)由利福(1212)分柝,作為地產的其中一部分,呢隻野唔易分析,當中略有風險。和記電訊香港(0215),其實有本質,佢只是由於唔派息而股價落左去,但本身仍有一定的價值,這股正面,會翻上去的。

但你只得3隻股票及1隻美股,難免有集中性的風險存在,之後應慢慢建立更平衡的組合。

現時的$25萬現金,都可以動用其中的$10萬-$15萬,但一定要分注買入優質股,慢慢入,因為大市始終不算平宜,這部分你可以考慮平穩增值股+收息股。例如盈富(2800)、金沙(1928)、港鐵(0066)、中銀(2388)、領展(0823),港燈(2638)、工行(1398)、置富(0778)、香港電訊等。

至於每月能儲$12000,可以用其中的$8000,用於月供股票,這部分可考慮平穩增值股+潛力股,當中小部分為潛力股,如比亞迪(1211)。

長線進行上述的策略,可慢慢助你財富有效增值。(對照龔成信箱:Q5247)

2.股票前景

你好,本人手持358,2002,1171。請問前景如何?

龔成老師:

江西銅業股份(0358)不過不失,但都有投資價值,佢的盈利好波動,因為佢太受國際資源價格影響,令佢價格自主能力不強,情況有點被動。整體投資價值都有,但只屬中等。

陽光紙業(2002)都有少少咁樣的情況,本身受著紙價等成本因素影響。睇翻佢過往的財務數據,盈利有少少波動,更有出現過虧損的情況。

兗州煤業股份(1171)同樣係資源股,同樣受這情況影響。中國長遠想減少煤發電,這會對煤價長遠有影響,雖然煤長遠都會升,但升幅就有限。(對照龔成信箱:Q5227)

3.玖龍紙業(2689)

龔成大師。請問2689升值潛力大唔大?

因見回收紙價下調,毛利率正常係提升左,近日股價不停下跌,是否分注入市良機?另外想請問2007是否屬於優質股,可否長期持有,入股現價的話會唔會太貴

龔成老師:

玖龍紙業(2689)質素只屬不過不失,雖然佢都幾賺錢,但最大的問題是處於被動位置,成本與售價無乜自主能力,往往被外圍價格影響。所以長遠來說,質素中等,雖然都可投資,但不建議太大注。

碧桂園(2007)其實有風險的。近年中間樓市好景,令地產企業都好賺錢,但樓市已有少少泡沫,如果逆轉的話,對行業打擊不少。另外,內房企業負債大多不輕,風險的確存在。加上內房近年升了不少,這同樣會產生風險。(對照龔成信箱:Q5229)

投資
玖龍紙業(2689)質素只屬不過不失,最大的問題是處於被動位置,成本與售價無乜自主能力。

4.具增長空間股票

龔老師,如果以現時市況,你認為哪隻股價格較平,具增長空間:880、66、152。謝謝!

 

龔成老師:

深圳國際(0152)雖然有質素,但股價升了不少,佢有平穩增長的能力,但近期股價升幅多過企業實質價值的增長。

港鐵(0066)有平穩增長的能,長遠仍會正面的,估值勉強可以接受。

澳博控股(0880)都有質素,比上面兩隻穩定性較弱,但潛力則較高,而「上葡京」是一個潛力亮點。

當中將提供一座總樓面面積達521,435平方米的綜合建築物,除賭場及酒店外,還有會議、購物、餐飲及娛樂休閒設施,預算總項目成本約為360億元,「上葡京」將是澳博的潛力所在。長遠會帶動這股的股價正面發展。(對照龔成信箱:Q5230)

5.比亞迪(1211)

老師,多謝你的回覆,我已放哂以上劣質股了,希望可以盡快賺回蝕左的錢回來。

請問比亞迪現價可以入嗎?

龔成老師:

做得好!這是一個理性的決定,長遠來說,咁樣對你的財富最有利,因為劣質股長期股價下跌,優質股長期股價上升,我地應該集中長期持有優質股。

比亞迪(1211)是有潛力的股票,但分注入會較好,因為好波動,其實,最好以月供模式進行,又或小小地買左一注先,等回落才分注買入。(對照龔成信箱:Q5231)

6.盈富(2800)、未來恆指(7336)

成哥,我想問一下啲技術性問題,如果長時間(可能係10年以上都可以)持有市值100萬兩隻股票2800同7336,這樣有增值可能嘛?

因為這樣就等於睇好50隻恒指成份股公司,而睇淡其他公司,這樣可行嘛?多謝啟發

 

龔成老師:

持有盈富(2800)等同持有該恆指50間公司。

FI未來恆指(7336)產品之投資目標,為追?恆生指數每日反向表現(-1x)的投資業績。這基金正正是盈富的相反表現,當恆指及盈富升,佢就跌,反之當恆指跌,佢就升。

簡單來說,你同時持有這兩隻,在理論層面,你不會輸及不會贏,回報率是零,你最後會輸管理費及手續費。

(對照龔成信箱:Q5232)

7.股市走勢圖

龔成先生想請問有沒有好推介的網可以看到股公司的上市由開始至現在的走勢圖的,以往用的YAHOO不能用,都不知能在那看了

龔成老師:

你可以睇下經濟通、AASTOCKS、中銀香港網站,都有長年期股價圖資料,但唔知有無所有歷史年期。(對照龔成信箱:Q5233)

 

8.中聯重科(1157)

你好老師,想問你點睇1157中聯重科?Thanks

龔成老師:

中聯重科(1157)主要從事開發與銷售工程機械、環衛機械和農業機械,提供環境解決方案,以及融資租賃服務。

佢近年的經營環境只屬一般,生意出現了持續下跌的情況,盈利亦不斷減少,加上賺錢能力不高,股本回報率好低,都反映企業身處不利的情況。

唯一吸引的,係佢現時的估值不高,市值只有$40億、$50億,再大跌的空間有限,不過企業本質始終較一般,投資價值只屬一般般。(對照龔成信箱:Q5234)

9.精熙國際(2788)

老師你好呀!想問2788長線收息好嗎?

龔成老師:

精熙國際(2788)業務都算穩定,但就無乜增長能力,而賺錢能力不高,股本回報率偏低。佢間公司規模唔算大,同埋裡面的獨特性不強,以企業質素本說,只屬一般。

雖然佢現時的股息率好高,但佢過往因為有派特別股息,所以才拉高了這個息率,至於之後會唔會派,以及派多少,則存有未知數。

所以,以這股作收息股,不是不可,但注碼不要大,因為當中的股息會有不確定性。(對照龔成信箱:Q5235)

10.只買優質股

龔成兄你好,想問下,如果我完全唔識任何估值模型,只識一點投資知識,同投資智慧,會不會賺唔到錢?例如只係識畢菲特的人棄我取,只買優質股並長期持有。

龔成老師:

你仍然可以賺到錢的,但回報率不會達至最高。

你只要懂得選股技巧,投資優質股及潛力股,就算不懂買賣時機,單單利用月供等儲貨模式,已有一定回報,如果你掌握人棄我取的道理,在恐慌期入手,往往已是企業平宜的價,同樣有不錯的回報。

當然,如果你懂得估值,你會有更大的效果,其實估值有好多方法,就算在我股票班中,都會教3個,目的令學生學完後用得到。

(對照龔成信箱:Q5236)

 

延伸閱讀:

幫父母買保險 是為自己財富做最強保護

用離岸公司傳承財富 6個優點 VS 4個缺點