28歲月入29K 想今年買樓 靠騰訊平保領展增值好嗎｜龔成信箱
撰文：龔成 ｜圖片：新傳媒資料庫
1.騰訊
龔成老師你好！最近買咗三本你的書，好贊同你對投資的睇法，感謝您出書為我地年輕一輩分享你的心得！
本人今年28歲，職業穩定，收入每月約29000，每月可儲$15000 ，其中$3300每月定期供儲蓄保險，餘下的約$12000都會儲起。
儲蓄保險:
已供二年半, 九月份開始可提款$75000，提款後會繼續供作長期儲蓄之用。
現有股票
4手騰訊 平均價$357
2手平保 平均價$83
1手領展 $63
現金及外匯: 約7萬
本人因職業穩定，希望借高乘數按揭上車，目標今年年底前有70-80萬資本買細價樓，請問以上投資分佈適合嗎？謝謝你
龔成老師：
原有的股票，基本上可持有，無乜問題，但如果你目標是今年置業，那就要開始儲現金，不要再增加股票的投資。
因為股價中短期上落無人知，但要長期先可以發揮到效果，所以，如你今年要資金用，就純儲現金好了。
不過，如果要儲到$80萬作首期，可能要加大儲蓄先做到，又或可以累積更多資本，再過一段時間先買。
你不用硬性要自己今年買樓，只要你不斷累積首期，到足夠時，而當時樓市又處適當時機時，就可以買入。坦白講，這刻樓市不平，投資價值已不大，這刻只餘自住價值。自住樓在買入後，樓價上落不是最大的影響因素，反而每月供款、加息等才是關鍵位。（對照龔成信箱：Q5460）
延伸閱讀
80後港女做日本代購月賺9萬 80萬日本買樓做業主
2.新威國際（0058）
你好，我想了解一下 58 新威國際 同 2628 中國人壽嘅前景如何 ，值得投資嗎？
龔成老師：
新威國際（0058）無投資價值喎，企業好細間，生意不大，近年仲要有生意倒退的情況，近幾年都出現虧損，市值好低或者是唯一的價值。
從業務本質分析，這股無投資價值。除非你用其他角度去分析這股，可能有其他不同看法，但我不知道。
中國人壽（2628）的企業質素，比以前有少少下跌的情況，但本質仍是不錯的，相信長遠發展仍然正面 。（對照龔成信箱：Q5442）
延伸閱讀
保證終身有收入 年金年收5厘息 3招賺到盡
3.港燈SS
請問港燈SS，SS點解？
龔成老師：
呢個低「信託」的意義，即是佢唔係同一般的上市公司模式上市，而是用一個叫信託的模式。同埋，佢要跟翻當中的條款去運作。
例如港燈（2638）就要求100%派息，所以佢每次都將賺得的淨利潤，全部派息，所以收息不錯，但這股就沒有增長能力。（對照龔成信箱：Q5443）
4.香港電視（1137）
龔成兄，請問1137前景如何？
龔成老師：
香港電視（1137）基本上已經同電視業務無關，而家佢會集中做網購，雖然前景正面，但估值上有相當的困難。
因為佢近年不斷虧損，仍然處於燒錢期。而家的市值太約是$25億，只要單從預期將來搞得有幾好，去衡量這公司值幾多錢。但市場的看法根本經常改變，因此，股價的波動會較大。
因此，投資這股不是不可，但注碼一定不能太大，同時最好分注去進行。（對照龔成信箱：Q5444）
5.嘉里物流（0636）
Hi 龔Sir, 我是你的忠實讀者+學生:
有無研究過嘉里物流(636.HK), 長短期你覺得有無投資價值?Thanks.
龔成老師：
嘉里物流（0636）是亞洲的物流服務供應商，主要從事綜合物流及國際貨運業務，係亞洲、澳洲、歐洲及南北美洲有多個業務點。
近年的生意都保持增長，算是做得唔錯，盈利同樣有不錯的增長。佢已經建立了一套完整的系統，相信長期發展仍然正面的。
這股有投資價值，但由於本身都幾大隻，唔好預期佢有好高的增長，平穩增長可以的。現價合理。（對照龔成信箱：Q5445）
6. 5年儲100萬
請問。5年儲100萬有藍圖嗎
龔成老師：
最簡單的方法，就是儲蓄及投資，我之前都是用這個方法，令我可以收入萬零蚊，5年儲到$100萬。
首先就是每月儲$1萬，你可以利用增加收入，以及減少支出，去做到這件事。
一下步就是投資，你要爭取到15%-20%的回報率，你要有一定的選股及投資技巧，就可以做得到，所以，你要不斷學習投資知識，睇書及上堂都可以。你堅持上述的方法，你就可以順利完成。（對照龔成信箱：Q5447）
7.匯豐（0005）
請問5及66要不要走。5在82入。66在43入。只想問如大跌好不好而家走貨。唔該
龔成老師：
不用賣出。
這兩股都是有質素的股票，雖然匯豐（0005）質素比過往略略減少，但仍有投資價值，你不用太著重股價上落，集中企業發展就可以。
雖然股價比之前回落左，但這兩股都有質素，可以守，我地別知中短期的股價發展，但長期計，我地知道股價會向上，只要有耐性就可以了。（對照龔成信箱：Q5448）
8.先達國際物流（6123）
你好龔成
請問6123和2136買唔買得過
龔成老師：
先達國際物流（6123）係一家以香港作為總部的國際貨運代理服務供應商，業務已擴展至多個國家。
生意平穩，但盈利不算突出，企業無乜獨特性，每年約賺$1億，唔算多。投資價值算是一般。現時市盈率約25倍，以這企業的情況來說，唔算吸引。
利福中國（2136）不差的，生意與盈利都穩定，但就無增長力，現時市盈率10倍，估值合理。有投資價值，不過企業唔派息，未知管理層背後有那些想法。（對照龔成信箱：Q5449）
9.美國加息
股市週期投資應該用咩策略，點樣防止過早買入？
美國加息即係點，對股市，樓市和銀行會有咩影響？
龔成老師：
呢個問題好複雜喎。我地好難對股市走向作準確的預測，只有從企業的估值，整體的大市估值去分析，如果這些的估值過貴，反映下跌的可能性較大，因此未必適合投資。
可能要耐心，等大市回至合理區，就可安心投資。
如果美國加息，就會今無風險利率上升，那就會令有風險的「要求回報率」都要提升，因此就會令股價下跌。同時，企業一般都會以借貸模式營運，當利息成本上升，自然會影響盈利，股價鳥然會下跌。
不過，深層一點去想，加息只是果，而經濟好是因，因為美國不會胡亂加息。經濟好就會令企業生意向好，盈利向好，股價上升。
因此，這是一個複雜的關係。（對照龔成信箱：Q5450）
10.偉易達（0303）
用0005收息再複利滾大舊錢好唔好？
0303低位 入唔入得過？
龔成老師：
我地要長遠的財富增值，應該用「先增值，後現金流」，即是先將資金滾大，到年齡較大，又或有一定的財富後，才追求現金流。
因此，好少會以股息，用作資金滾大，除非這股的股息好多，否則，不如策略上投資增值較高的項目，長遠的增值會更大。
偉易達（0303）本質不錯的，近年的生意都保持一個唔錯的增長，相信平穩增長能持續，但就唔好預佢會高增長，所以，股價都只會平穩發展。
現時市盈率計，都算是合理，股息都有成5%、6%，都有一定的吸引力，但近期市況較波動，相信分注買入較好。（對照龔成信箱：Q5451）
體驗1分鐘貸款批核 隨時提款話咁易
平遊東京不是夢！最平住宿喺晒呢到
去大阪想搵住宿？識睇一定睇呢到！
去首爾掃貨住邊好？入嚟幫你格價搵至抵住酒店！
短trip遊台北叉叉電，即訂平、靚、正住宿出發！
去旅遊想搵住宿？識睇一定睇呢到！
延伸閱讀：
保證終身有收入 年金年收5厘息 3招賺到盡
