香港豪宅級公屋第一位原來係… 網民:我住私樓都無咁大個泳池

香港豪宅級公屋第一位原來係… 網民:我住私樓都無咁大個泳池

香港人多車多,寸金尺土,人人都想「上車」,有自己嘅安樂窩。不過我地呢啲買私樓又唔夠錢,買居屋又唔輪到我,你以為個個都咁易買到樓咩⋯⋯但唔緊要!我地仲有公屋!香港討論區有巴打發現本港有一個公共屋邨,根本就係豪宅公屋!背山面海,大部分單位設有浴缸,仲要有埋私人泳池!真係公屋嘅價錢,私樓嘅享受~

圖片:新傳媒資料室、乙明邨Facebook專頁、维基百科

 

講緊嘅係位於沙田嘅乙明邨,沙田區係上世紀70年代嘅新市鎮,有完善嘅社區配套,生活環境唔似九龍或港島市區咁密集,得閒仲可以踩下單車,都幾寫意。雖然唔少人都想喺沙田置業,但現時香港樓價高企,好多人想買樓儲首期都要儲10年8年。不過網民就發現沙田嘅乙明邨,可以話係私樓級嘅公屋,環境仲好開揚!

以前公屋給人的印象比較簡陋,只提供基本需要,樓與樓之間又密集,分分鐘望到對面樓做緊咩⋯⋯但乙明邨就唔同啦!樓同樓之間隔得遠,唔會有密集嘅感覺!仲背山面河!環境一流!(公屋都做到咁⋯小編真係想即刻申請搬入去住!)

由高處望落去,可見公共空間面積非常大。

你以為乙明邨淨係得景靚?少年,你太年輕了!乙明邨基本設施一應俱全,大部分單位都設有浴缸,唔少巴打表示新買私樓都係企缸,叫人情何以堪!雖然佢係80年代初先起好,但竟然有個私人泳池!一大一細,夏天落樓下游下水,一流!真係令人羨慕妒忌恨!

相比起其他公屋,乙明邨真係算唔錯,不過其實沙田唔少公屋嘅環境都不俗,好似禾輋邨,景觀同樣開揚!望河境嘅可以眺望到沙田第一城、富豪花園,望山嘅可望到火炭咁遠添。

乙明邨離沙田市中心僅15分鐘步程,市中心最近有戲院重新開幕,設有全港首間RealD Cinema,新電影大樓命名為「MOVIE TOWN」,設有7間影院並提供逾1,700個座位的,為新界最大規模戲院,最平$50可以睇場戲。

圖片來源:乙明邨Facebook專頁
圖片來源:乙明邨Facebook專頁

屋邨康樂設施齊全,有公園、籃球場同滾軸溜冰場。

乙明邨內有齊幼稚園、小學及中學。

仲有停車場!

住公屋有私樓嘅環境,認真唔錯~ 所以乙明邨被討論區巴打喻為「公屋之王」!

圖片來源:维基百科

延伸閱讀:

自從發現女人擇偶條件,住公屋勝過私樓(原文︰http://www.edigest.hk/Vip/detail?id=5675) 後,優質公屋盤頓成網上熱話,小編發現全港177個公共屋邨中,原來沙田有較多特色公屋設計。

撰文:馮卓韞 相片︰網上圖片

瀝源邨 – 經典花形大噴水池

沙田算是一個水系市鎮,除了由城門河貫穿不同屋邨,沙田公園亦有多個噴水池、漁池。而與沙田市中心一橋之隔的瀝源邨,最有名的莫過於其經典大噴水池。

1975年入伙的瀝源邨是沙田第一條公共屋邨,全邨有七座舊樓宇,當中仍有些樓宇沒有升降機。

最為人熟悉的相信是壽全樓對開的大面積花形噴水池,要在屋邨興建如此大型的噴水池需投入更多心思,可見當年政府對沙田第一條屋邨重視程度。

廣源邨 – 紅磚外牆鐘樓地標 曾獲建築設計優異獎

1989年入伙的廣源邨,並不像瀝源邨般接近沙田市中心,而是座落在較偏僻的山邊。依山而建的廣源邨,坐巴士途經之處都有機會遠遠看見一座鐘樓,在未有其他知名食肆前(例如麥當勞)一直是居民相約的地標。

採用自然光、露天設計的屋邨,以紅磚作外牆,似古時的英國小鎮,以一級級階梯連接不同樓宇。

水泉澳邨 – 多條天橋接駁的新型公屋

入伙才一年的大型屋邨水泉澳邨,東面是馬鞍山郊野公園,西面是獅子山郊野公園。

水泉澳邨跟廣源邨一樣依山而建,但其高度可俯瞰沙田全景,為方便居民出入,設有多條高架行人天橋和升降機塔,接通港鐵馬鞍山線的沙田圍站及博康邨。此外,在邨後的水泉澳山有多條行山路徑,環境令人心曠神怡。

景泰苑一房變兩房裝修 居屋擁私樓格調

關鍵詞
網民熱話