診所職場事 寶豬趣聞 忍尿|珍寶豬

診所職場事 寶豬趣聞 忍尿|珍寶豬

【診所職場事】有日有位小姐嚟到~
佢行埋嚟細細聲問我:「我可唔可以同你私底下傾吓計呀?」

你係咪認錯人呀?我唔係你朋友喎…

撰文:珍寶豬

我:「我哋診所嚟喎?身體上有咩嘢有唔舒服同醫生傾好啲啊,同我傾冇用嘅~」
佢:「唔係呀唔係呀,傾閒計咋」
我怕佢係情緒問題:「唔開心呀你?」
佢:「唔係啦!我冇嘢呀!」
我:「咁你想傾咩閒計啊?我返緊工喎…」
佢:「我想問你去廁所準唔準時呀?」
點為之準時呀?十點開大,十二點開細,日日如是咁呀?
我:「準時?點先叫準時呀?」
佢:「ON TIME囉」
你唔好咁HEA好冇?人哋叫你解釋,你就俾個英文佢自己參透。google翻譯都有同樣功能…

我:「咁大小便嘅可以點準時法啊?生理需要嚟喎~如果平時你有習慣朝早大便嘅,都有機會變成你所謂嘅準時。小便嘅就睇你飲幾多水而定啦…」

佢:「即係可以訓練到啦?」
我:「冇失禁問題嘅係控制到嘅,但係唔需要搞到限時限刻咁啦,有需要就去啦,最緊要唔好忍啫」
佢:「我知呀,咁我如果原先係定咗三點去小便嘅,我兩點左右就開始想去廁所,中間有成個鐘時間,身體會唔會自然習慣成以後三點先去㗎?」
會腎虧添,呢頭先叫你唔好忍,嗰頭你答完知知知都仲要問,你前世同個腎有仇呀?
我:「頭先咪話咗唔好忍囉…忍尿對腎唔好㗎~」
佢:「會嘅咩…我以為佢識睇鐘嘅添」

你膀胱對眼生喺邊呀?

珍寶豬過往精彩文篇:

診所職場事 寶豬趣聞 姨姨要身體檢查 下回

診所職場事 寶豬趣聞 珍寶豬

診所職場事 寶豬趣聞 姨姨要身體檢查 上回

診所職場事 寶豬趣聞 珍寶豬