90後返工瘋狂影相唔做野 網民：估唔到呢個職業都淪陷
廣告
隨著時日既流逝，90後都有一半已踏入社會，成為打工一族。而筆者亦不例外，成為打工仔的一份子。但就有巴打近日於連登討論區發文，採討點解而家mk妹有得做護士等絕世好工。
來源：連登討論區, TVB 劇集〈實習天使〉
首先，就有巴打留言表示於社交媒體中看見不少mk妹朋友一出ward就係咁影相，根住再post埋黎呃like，甚至表示只要生得靚女就可以做護士，去做私家醫院又可以做少啲野同時又抖多啲人工。對於以上內容，筆者都有興趣於是再繼續落去睇。
有網民就更將醫生與mk護士一齊講，形容mk護士的成因可能與醫生的能力有關，醫生負責主要救人的職責，護士自然就可以做少d黎依賴我地偉大既社會尖子醫生們既carry。
討論mk妹成為護士這個現象時，就有不少網民將這現象既成因推落去過多的護士自資課程，質疑課程收生標準與政府資助課程不一，先會令到白衣天使由天堂墜落到旺角。有網民甚至表示有朋友英文於DSE中只得2都可以出黎做護士，原因竟是私立院校在提供額外機會俾mk妹成功做護士。
另外就有網民指出其實出現mk護士都只因為護士人手一直短缺，工潮一直出現先會令到護士淪為mk妹既新「蒲點」。
雖然網民都對mk妹成為護士這件事帶有負面觀感，但在連登中亦有不少網友都話其實護士有很多時候都好惡撈。有網友就好直接咁話：「要執屎執尿時就會知份糧點解要咁高囉」，睇完佢咁講，筆者都想象到執住舊屎果陣真係會思考人生，更何況護士講緊係日日執咁滯。諗多兩諗，筆者都係要講一句這些機會都係唔好屬於我好過la。
