網民醒你三招慳錢大法 打工仔10年上車不是夢

撰文：Purple弟弟            來源：連登討論區、TVB節目《有樓萬事足》

1）茄汁焗豆配善存

巴打係討論區一開波就已經劍指lunch既費用作為上車既秘笈，係佢精密既計算以及爆發既創意雙重加持之下，連茄汁焗豆配善存呢啲顛覆人類味覺極限既菜式都諗到，試問呢個香港仲有啲乜可以阻到呢位年輕人發奮上樓呢？

自古以來這個世界本來是無有神的，但自從有人類做到人做唔到既事之後，果個人就成為左神。就好似呢位巴打咁做，將呢個善存運用得如此出神入化，簡直可以稱之為善存神人，但筆者也相信此人距離天堂也十分之近。

2）健身同時健心

若果覺得以上果位巴打已經好似洞悉人生既話，以下呢位巴打簡直令我呢位筆者五體投地。呢位巴打唔單止睇穿咗酒肉穿腸過呢個人生哲理，仲識得苦行僧既修煉毅力，以做gym配合印度式diet，務求達至健身同時健心，上得車既時候又可大隻到推得郁架車。

不過以上果啲巴打都只係極少數既例子，係連登討論區入便亦有不少巴打提供較為理性的方法俾我地去學習，就好似去超市買材料自己在家中以較健康同時又較便平既方法烹煮食材，又有巴打提出金拱門24蚊餐作戰計劃，在追尋人生上車盤時又不忘對fast food既堅持。

3）看破紅塵

雖然以上既方法睇落去真係可以加速上車，但係筆者同某巴打諗法不謀而合。要我做到好似以上幾位巴打咁，做人又有何意思呢？為咗上車要長時間保持咁高毅力又要捨棄娛樂既話，上到車之後未有係窮得剩下一層樓。Eason首歌都有講：「你獻出了十吋時和分，可有換到十吋金」，上到車但要咁辛苦，倒不如理性啲計劃未來，活在當下。

延伸閱讀：

跌落地都唔驚 手機安全氣袋 防爆芒