輔警

輔警入職時薪達$92 返工時間同freelance一樣咁自由

社會熱話

廣告

政府工一向出名係鐵飯碗,準時返工放工人工又高,但個個post 郁d 就幾萬人報,考到就好似抽居屋咁難,所以今次小編就搵到個政府part time,入職時薪達$92,一年只需至少返208 小時就可以的政府part time 輔警,一年幫你額外儲到$19,000,相信都幾岩想正職之外再額外搵下錢的打工仔。

撰文: 哈利仔  | 圖片:新傳媒資料庫、TVB《學警狙擊》劇照、Visualhunt

1)Workload 大唔大 ?

 

輔警平時的工作一般都係行咇,即係處理市民求助的案件、預防交通阻塞,同埋人群控制,即係平時新年行花市,你會見到有d 警察係到維持秩序。而每年輔警係需要一年至少返208個小時,當中包括有連續7日朝九晚五的訓練營(1年都有約二十多個期你選擇)、3日各4小時的槍械訓練、12日各8小時的行咇職務和6日各4小時的警務訓練日,而仲有一些上班時數就唔係強制性,例如交通日、反罪案巡邏等,有些警署會開放這些更份比輔警報更,如果你見到就可以報返工,如果你果日唔得閒唔報都冇問題的。

 

而這208個小時看似好多,但其實返工時間都極彈性,基本上都有不同日子和時段供你選擇去上班,總之你果年返夠208 小時就可以。所以,其實有正職的你都不妨可以考慮下呢份副業,既可以幫到市民,又可以幫補下家計。

2)學堂訓練要搞幾耐 ?

 

不過,想做輔警,都要之前先參加基本訓練課程,訓練時數共三百五十小時,視乎學員多寡而定,訓練會分佈在二十八至三十六個星期左右舉行。大約每星期兩至三晚到九龍灣宏照道十二號香港輔助警察隊總部接受訓練(通常為晚上 7時至 11時)。內容有法律、警察實務、程序、警察規則、規例及步操等。另外,學員都要在訓練期的星期六,星期日或公眾假期(半日或全日)在香港仔警察學院及警務處轄下的靶場接受武器及戰術訓練。完成訓練後,輔警學員可邀請其家屬出席於輔警總部舉行的結業會操,之後就正式出更。

3)投考難唔難?

 

其實老土d 講,有心就唔怕難。先過體能考試再過最後面試,問的問題都係問下你對輔警的了解同埋一d 情景題,例如你果區有咩警務問題,你有冇一d 方法可以解決,最緊要唔好口疾疾,面對考官質疑果時都可以淡定咁解釋你的考慮因素就ok。跟住做埋身體檢查同個人背景的審查,就可以等消息入學堂。