返工成日飲凍嘢 原來好傷身 中醫教你夏天養生六招
廣告
【 夏天養生】踏入七月，氣溫直逼三十度以上。而飲品店前嘅一條長龍同埋便利店內被一掃而空嘅雪櫃就證明咗你同我都係幾有需要「消個快暑」。冰凍嘅奶茶汽水直沖入喉嚨嗰刻真係由入面爽返出嚟呀！不過你身體可能就要付上沉重代價 ，仲會導致「脾虛」。等我哋用中醫學角度去教你保護好脾胃同身子啦！
撰文：Kevin Au｜圖片來源：Wiki、iCook、seasonedkitchen、TVB丨Edit：白仔
中醫教你做好六件事保養脾胃同身子
1. 定時定量食飯；唔好過時不食，暴飲暴食
定時食飯會幫助消化系統更好運作，如果過時不食或一下子食太多，只會更加影響你嘅身體同脾胃。
2.食黃色食物
中醫認為南瓜、粟米等黃肉食物有助養脾健胃，多吃這些蔬果的確有不少好處。
3.適量食薑
生薑性溫，係其中一種健脾利濕嘅好幫手。平時可以煲薑茶飲用，亦都可以適時喺菜式中加入薑去食用。
4.適量飲紅豆水、薏仁水。
適量的紅豆有助排濕去水腫，但係都要注意量唔可以過多，過多更會有反效果。
5.食凍嘢要趁中午。
中醫認為凍嘢會影響體內嘅氣，而中午係人體陽氣最旺盛嘅時候，所以此時食凍嘢比較冇咁傷身。
6.多做運動。
做運動為出汗，出汗為咗可以排出多餘濕氣，有助新陳代謝。每日行30分鐘路，能夠促進腸道健康，而且都能夠出汗幫助身體排走濕氣，多走動更加會減少水腫嘅現象。
