巴打討論區呻人工低 網民：做呢行搵$15,000仲想點
撰文：Purple弟弟 資料來源：連登討論區 圖片來源：新傳媒圖片庫、 burst、visualhunt
巴打在連登中發文，話自己大學主修電影，剛畢業已發現理想係香港無任何實際意義，為了搵食，巴打決心捨棄自己的理想，想搵份更好的筍工。雖然巴打表示如果找電影相關等要用電腦處理的工作，每個月大概能搵到$15,000，但想長遠找到份工能令自己有得搵食以及舒服。
素來有網絡神探之稱的眾網友就在討論區中集思廣益，而當中亦不乏建設性的留言，但同時也有網友問樓主早知今日，又何必當初。
貴為全港筍工之一的政府工自然都係呢個post老是常出現，有網民就建議樓主及早加入政府，無論是做警察又或是食環署，網民都認為不錯的選擇。面對一向薪高糧準的政府工，又有幾多年青人可以抗拒呢？
甚至有網民表示不理解當初樓主為何要修讀電影，又表明現今香港電影業好睇運氣，年青人想立足電影業真係需要天時地利人和三方面配合。咁其實大家都知，近年香港電影業已經大不如前，要北望神州就要與內地商談合拍片，作為香港電影新鮮人自然好似會覺得吃力不討好。
不過，有網民就留言希望樓主應反問自己當初為何要讀電影業，又表明於年輕時追尋自己的理想應該比起日後搵食問題更為重要。其實，筆者都好讚同該名網友對樓主嘅支持，回想起當初自己捨棄入銀行金融業，毅然加入一個不熟悉的領域，只是為了兒時當初既一個小理想：「我希望每日返工都係要笑住嘅」，看似很簡單的一句就話，現今香港又有幾多人由心而發地做得到呢？
隨住時光嘅飛逝，一眾當年被時代選中的細路都已長大成人，面對著怪魔般的現實，我們當然需要變大個與之抗衡。但無論我們怎樣成長，同要記住大力捍衛理想。
延伸閱讀：
文：Purple弟弟
社會由細到大都灌輸比我哋一種價值觀，就係萬般皆下品，惟有讀書高。依家後生仔讀完中學，上唔到大學都有一堆副學士、文憑可以進修，正常人都鍾意讀書多過打工，
因此讀書成為後生仔另一種逃避嘅工具，反正可以借政府錢讀又可以玩多兩、三年，Why Not！
當然讀得到書，搵到份好工嘅機會自自然然都會更高。不過，當我出到社會工作，有幸同唔少讀唔成書，唔受社會認可嘅年青人一齊工作。大家之所以會認為律師、醫生係
叻仔，老實講都係因為佢地高人工，如果用呢套價值觀套落呢班搵$14,000又讀唔成書嘅後生仔身上，其實你估佢哋唔到，原來佢哋都好叻仔。
有人天生係唔鍾意讀書但主意多多，善於社交廣結良朋，返工又可以穩穩陣陣完成到工作，仲善用空檔發展副業，接下freelance開下ig shop做代購，輕輕鬆鬆每月袋多五、
六千蚊嘅大有人在。
冇咁Social嘅，但善於精打細算有目標嘅後生仔，每月自己儲一大筆錢，再叫埋屋企人養成儲蓄習慣，幫屋企人製訂投資計劃，都可以有唔錯嘅回報。
有門技能嘅更可以開班授徒，尤其依家一街大學生，你識街舞、樂器、攝影等反而更顯得出你有過人之處，兼職做導師時薪可觀，搵到食自己又鍾意，財樂雙收，絕對稱得
上係「叻仔」！
其實搵錢方法有好多好多，你見公司咁低人工都唔辭職嘅人其實都唔一定係傻仔，反而將自己個搵錢途徑框死喺讀好書搵好工先係最易失世間財。
