盤點公司聽過最難頂說話 網友：我老闆竟然講呢啲
廣告
香港人成日話一世人總會愛上幾個人渣，但其實遇到衰老闆嘅機率都係一樣，都係會一生人總會遇上幾個。近日，有巴打就係網上討論區開帖分享一句係公司聽過最難頂嘅說話，並有網民紛紛附和。
撰文：Purple弟弟 來源：連登討論區 圖片來源：tvb劇集《愛回家之開心速遞》、新傳媒圖片庫
日前於連登討論區，有巴打率先分享了係公司聽過嘅說話，由於巴打係公司年紀較為細，所以上司要求巴打捱義氣頂咗佢。巴打亦埋怨上司成日話為佢好，實質就將工作分咗俾樓主，而上司自己就係office度散步。
筆者都非常明白老闆或上司經常性將啲厭惡性工作分給下屬（即是我地），然後就拍拍屁股準時放工。臨走前，上司通常都會以掠奪者姿態出現係我地面前，叫我地儘快做完就收工。聽落好似為我地打氣，但現實是上司不但強搶我地準時放工嘅自由，仲要將我地最後嘅自尊一併攞走，真係諗起都覺得嬲。
講起收工，有另一位網友就話老闆示意大家提早放工，但做唔完嘅工作可以拎返屋企繼續做。根據返該老闆嘅logic，打工仔應該都可以伸請額外嘅ot錢，因為啲嘢係屋企做都要用人力物力去解決，點知上司們會唔會借機叫我地做更多嘅工作。
係討論區中，網友繼續對老闆以及上司的惡頂說話分享他們的經歷，其中有位網民嘅留言可以說是現今新生代最討厭嘅就話，就是「想當年」系列。這短短的三個字可以概括咗大部分80後、90後對呢個社會無盡嘅不滿以及不忿。
返工時還要應付上司們的其他要求，有時也真的令不少新生代打工仔吃不消。
大部分嘅新生代包括筆者其實都明白同欣賞，當初年老一代為香港所付出嘅貢獻，但明白歸明白，筆者認為沒有必要經常性把「想當年」掛左嘴邊。老是說「想當年我也是這樣捱過來」等說話，其實真係難聽過粗口。老實說，如果上司們想我地幫手，不妨開心見誠講想我地幫手，成個事絕對會來得較易接受。
延伸閱讀：
