打工仔最憎聽到嘅4句說話 網民：真係難聽過粗口
撰文：Purple弟弟 資料來源：連登討論區 圖片來源：新傳媒圖片庫
近日就有巴打係連登討論區發文，討論香港人嘅工時問題，以及一眾網友對勤力及工時長嘅睇法。巴打自己亦首先發文表示，社會唔應該再將勤力歸類為返工美德，皆因香港大部分嘅上司都會利用勤力作為加重打工仔負擔嘅借口。
1）你今日準時收工？
聽落去好似是一句好正常嘅說話，但其實對於打工仔來說滿佈陷阱。對於上司來說，你今日可以準時收工即是代表你工作能力卓越，亦代表你有能力完成一天的工作，係呢啲情況下上司都好鐘意增加打工仔嘅工作量。最奇怪嘅地方係其實上司只係有一日見到我地準時收工，第二日已經要做多啲workload，咁樣點叫打工仔容忍呢？
2）你真係好做得嘢
短短一句，已經將香港大部分上司對下屬嘅不合理期望表達出來。由最初讚賞我地做得好，到後期不斷加工作負擔。就好比期望不斷澎漲時，打工仔自然就要做多啲嘢來滿足上司嘅要求。整個過程其實都無限loop，直至到有一日打工仔終於達唔到要求，上司們就只會大條道理咁講：「點解差咗咁多？」，但就忘記咗佢地俾嘅workload已經唔係最初果個。
不過，亦有不少網友對於以上的說話有唔同解讀，例如勤力咁做唔代表一定會做得好，質量與數量當中沒有必然關係。網友就表示經常見到人好似做好多工作，但實質上全都是垃圾，又點算係美德。
3）Ad-Hoc
係討論區當中，筆者亦見到一個網友係度討論Ad Hoc，而佢嘅解釋就係隨時都可以出現而又不知幾時可以完成嘅工作。大部分打工仔一聽到Ad Hoc呢兩個英文字時，大致時都可以聯想到另外兩個英文字母—OT。Ad-Hoc呢樣嘢睇落去好似平平無奇，但其實最麻煩就係佢嘅不穩定性，唔知幾時會出現，但上司通常就只會隨口放下就要打工仔完成，試問又有誰喜歡聽見這句話。
4）天下無難事，只怕有心人
經常性都聽到有不少打工仔係職場遇到難題時，上司就只會對他說「天下無難事，只怕有心人」，又或是叫打工仔勤力啲就做到等說話，其實真係難聽過粗口。而且討論區中亦有網友留言話根本OT其實是上司嘅領導同埋計劃出咗問題，點解要下屬用所講嘅勤力來解決問題。其實係香港打工仔未必咁在意勤力嘅讚美，大部分都只係想能夠準時收工，陪多啲屋企人，錢財虛榮有時真的比不上與家人一起的晚餐。
延仲閱讀：
