畢業想搵份長工都咁難 巴打：睇見自己CV就流眼淚
廣告
正所謂一年容易又畢業，又到咗各大畢業生要搵工嘅時間。如果要搵到一份好工，一份見得人嘅CV絕對係不可缺少的。近日連登討論區熱烈討論緊一個話題，內容關於一位巴打搵工時寫CV嘅感受。
撰文：Purple弟弟 圖片來源：TVB《親親我好媽》 資料來源：visualhunt、連登討論區
一份CV所記錄的不只係大學生的成續，而且更是各大學生嘅人生小總結，無論係課外活動以及實習經歷，以上呢啲都會成為日後搵工嘅踏腳石。而面對寫CV呢個難題時，巴打就係討論區發言表示自己嘅CV同工作相關嘅經驗好少，根本唔知點寫。
此發文係連登一出，立即引來不少網友留言，分享佢地對寫CV嘅睇法。有網友就表示巴打有實習經驗已經比無更為好，起碼證明大學時期的暑假有為自己增值，不用日後到麥當勞工作。
當然也有網友為巴打重新包裝CV，為每個參與過的學生活動都加咗巴打能夠學到的技能，例如協作能力及溝通技巧等。筆者都非常佩服網友嘅包裝能力，相信該網友絕對係見工界達人。
正所謂無比較就無傷害，雖然巴打話自己工作經驗唔理想，但亦有唔少網友對巴打嘅大學生活表示萄葡，留言話佢地嘅大學生活都大部分時間都只係讀書，從未試過上莊及舍堂生活嘅滋味。該名網友更表示若巴打寫CV時覺得傷心，咁佢係大學生活留低嘅就只有遺憾。
筆者見到有網友要以遺憾來形容大學生活，都只能夠表示十分感慨。還記得當初考文憑試時，筆者每日都以未來如夢似幻般嘅大學生活作為目標，埋頭苦讀。最後筆者大學係入到了，但當初憧憬嘅大學生活就好似《1874》中卻去了錯誤時代。
記得係大學遇到過的云云眾人裹，有一位學長說過這樣一句說話：「大學不單是知識的發源地，還是學習成長的地方。」
一句老生常談般的說話，筆者現在已大致理解當中含意，簡單點來說，成長的其中一個課題就是要懂得接受遺憾。大學生活所留下的都已成過去，又何必過份執著呢？
