巴打升咗職都想跳槽 網民：加$7,000人工仲洗諗
廣告
升職加薪一直都係各位香港打工仔嘅夢想，但當夢想嚟到嘅時候，我地嘅內心總係會有啲動搖，因為誘惑從來都係無處不在，引導我地跳槽。
撰文：Purple弟弟 資料來源：連登討論區 圖片來源：visualhunt、新傳媒資料庫、TVB劇集《潮流教主》
近日，就有巴打係連登發文，表示自己啱啱升職，而且人工亦被加了15%，但正當巴打諗住認真工作嚟報答上司嘅期望時，誘惑卻出現了。有另一間公司對巴打非常器重，甚至係巴打現有人工上再俾多20%，令到巴打人工由$20,000加到$27,000。
巴打一方面受到萬惡金錢嘅引誘，但同時又害怕令上司失望。身陷兩難嘅巴打，最終決定發文詢問各位網絡神人嘅意見。
面對著巴打呢個兩難嘅局面，有網友將呢個情況比喻為理性同感性嘅角力，明知轉工就可以多$7,000人工，但總會被上司或老闆當初嘅期望影響。係經濟學角度，我地會稱呢種現象稱為沉沒成本，意思係被以往嘅付出嚟影響現在嘅理性決定，有得加$7,000人工仲點會唔轉工呢？
有網友非常清楚知道商場嘅遊戲規則，所以就同巴打講試想想如果是巴打的上司接到了相近的offer會怎樣？巴打嘅上司應該唔會坐係度回憶往事幾千次，大概應該好快就接受咗offer，去攞更高人工。
甚至有網友質疑忠誠嘅重要性，表示巴打呢件事係佢聽過最大嘅笑話，又有網友勸巴打及早回頭，忠誠係唔會幫到我地上車買樓，係香港最實際都係錢。
筆者都好認同巴打應該轉工嘅睇法。如果有一個機會去搵更多錢，咁點解唔去試吓先？如果真係同上司啱傾的話，離開咗公司之後亦都可以繼績約聚會，但如果當中嘅情誼唔係真的話，巴打怎樣認真及忠誠都無法改變事實。
延伸閱讀：
