外遊領隊入行其實唔難　密密飛人工可達$20,000

社會熱話

Aug 1 2018

相信每個打工仔都想可以出多D trip，唔好困喺office，寓工作於娛樂，但香港地真係冇咩工可以成日去旅行，除了空姐、機師、導遊外，外遊領隊都是一個唔錯的工作。

撰文:Switching | 圖片: Visualhunt |資料來源:香港旅遊業議會

要考取領隊証

如果你想做外遊領隊，只要你年滿17歲、中學畢業或同等學歷或以上和持有香港永久性居民身份證，或持有香港居民身份證而不受居留條件限制(遞交課程報名表時附上簽證身份書或護照的副本)。你就有資格可以去報讀「外遊領隊證書課程」。當你上足堂同筆試合格後，你便可以拿領隊証，成為一名外遊領隊。

其實基本上咩都關佢事，事前要聯絡團友邊到集合、有咩要帶等，到集合地點又要提圑友有冇帶passport同身份證等。有時有突發情況如團友病了、飛機延誤、團友在遊樂場失散，外遊領隊都要處理，例如點樣安撫其他團友，做什麼才不會影響行程。

當你完成「外遊領隊證書課程」，同筆試合格後，你便可以拿領隊証。拿到後，香港旅遊業議會同時會介紹你點樣搵類似的工作，你亦可以到香港旅遊業議會的旅行社職位空缺自己找相關職位。

你讀這課程時會有一本筆記，當中有唔少領隊出入境須知、一般旅遊保險須知、突發事件的處理等，而考試會是短答題，考的內容都會是書入面，唔會考課外知識，基本上有溫書就應該唔難。