盤點人生最尷尬時刻 網民：轉新工叫錯舊老細名
廣告
人生經常總會有幾個難忘嘅時刻，可能會係結婚，又可能係升職加薪，但筆者相信尷尬時刻絕對會係大家心中佔一席位。
資料來源：連登討論區 圖片來源：TVB《2008年十大勁歌金曲頒獎典禮》、visualhunt
近日就有網友係連登討論區發文，務求要盤點大家人生中最為尷尬嘅時刻，甚至係現在回想都會覺得好惡頂。而網友亦都首先分享咗佢自己嘅經歷，網友就話當初還係細路嘅時候，試過係海洋公園認錯一位男人為自己嘅爸爸，跟住仲要叫咗佢一聲「老豆」。
係街認錯老豆都還好，海洋公園入便認錯基本上個個都會望過嚟，仲要被人大聲話認錯，真係會喊出嚟。
有試過有網友係睇緊女神嘅whatsapp icon時唔小心，㩒錯咗個制，結果打咗電話去女神度，對方雖然無接聽，但亦都send返個問號俾網友問點解。呢次簡直係網友人生中最尷尬經歷，事關到現在該網友係見到女神時都唔敢打招呼，怕被人舊事重提。
亦都有唔少網友分享以往在求學時期嘅尷尬事情，例如大小二便失禁，係學校講粗口俾老師發現等等。
但亦有網友分享職場嘅尷尬事情，有網友就試過係轉工搵新工時，想同個fd講見工情況，唔小心打錯咗俾自己嘅老闆，仲要講咗幾分鐘先知道打錯咗俾老闆。知道咗之後就即刻扮搭錯線，順便收埋線。 之後仲係返新工第一日就已經講錯咗老細名，竟然咁啱叫返舊老細嘅英文名，我睇完都唔知好嬲定好笑。
而筆者亦可以分享自己嘅一個趣聞，話說當時剛剛大學畢業，忘記學生證已過了期，還用學生特價電影票。結果在進場時就被相關員工發現，筆者還記得果名員工好大聲講咗一·句：「先生，你唔係仲扮細呀？」
果個人一講完，差唔多全場望住我，果個moment我真係想識遁地，返去屋企訓覺。
