Cap圖

經一 X Amanda Tann 十句Cap圖【職場串嘴英文】

社會熱話

廣告

職場新鮮人剛踏入社會大學,對辦公室人、事、物都感到陌生,容易被老屎忽欺負。而潮流興對白Cap圖,誇張表情深入民心。中文就講得多,如果轉做英文,又要通俗又要配合Cap圖,又要在辦公室用,可以點玩?

經一聯同香港著名英文補習教師,活學教育創辦人Amanda Tann,拍片同大家分享十集Cap圖【職場串嘴英文】!

編劇.導演︰多重影分身3be

角色︰

上司︰老屎忽,恃老賣老,做同一間公司多年﹔睇唔起新人、後生仔,鍾意卸膊,嫁禍他人,熟悉內部運作,以此為自己謀求利益。

小職員︰職場新鮮人,一腔熱血、滿懷理想投身社會,但打工後先知係噩夢開始…

—— 第一集 ——主題︰廢青  英文︰a bum / a down-and-out

見工篇

上司(自大)︰「我哋招聘全職文員,好高興你來見工,你有咩叻呀?」

小職員(誠懇)︰「我熱情有禮、主動積極、守時好學、有良好溝通技巧、對工作有熱誠、識講粵語、英文、有良好電腦、文書技能…」

上司(自大、串嘴)︰「得…(望一望手上的招聘條件,全中),你都幾適合我地哋,一口價9,000蚊一個月!」

小職員(錯愕)︰「下!9000蚊!?」

上司(自大、串嘴)︰「你啲廢青係咁上下人工啦!」

—— 第二集 —— 主題︰繼續吹…  英文︰blowing hot air / full of hot air

(圖片來源:電影截圖)

 返工篇

小職員第一日返工,叩門入房見上司

小職員(戰戰兢兢)︰「早晨…」

上司(無望過小職員)︰「拿,我哋依度做野有我哋規矩……」

小職員發夢夢見自己串上司︰「繼續吹…」

上司︰「咩話?」

小職員(驚醒,另頭)︰「無野」

上司(自大、串嘴)︰「咁我繼續啦」

小職員心諗︰「help!!!」

—— 第三集 —— 主題︰人類總要重複同樣的錯誤  英文︰we never learn, do we?

(圖片來源:動畫截圖)

入data篇

小職員叩門入房見上司

上司(遞手放一大堆A4資料喺枱面)︰「你陣間入依一疊資料,入完send個email去7樓劉德華再打俾佢confirm!」

小職員(心諗有排都做唔完)︰「哦…」拿一大堆資料轉身回坐位

回到座位後打字打到天昏地暗,完成後打俾劉德華

過幾個鐘後,上司好燥底叫小職員入房︰「黎明話佢未收到疊資料wo!」

小職員︰「咩黎明呀…唔係話7樓劉德華咩?」

上司︰「人類總要重複同樣的錯誤。

上司︰「我幾時有講過劉德華呀?黎明係明蝠俠果個,劉德華係唱忘情水果個!」

人類總要重複同樣的錯誤。

—— 第四集 —— 主題︰那有錢,你XX  英文︰I’m absolutely broke / I’m so officially broke

(圖片來源:電視截圖)

食飯篇

小職員從雪櫃拎叮叮飯盒準備放入微波爐

上司(不屑、串嘴)︰「做咩唔出去食飯呀…」

小職員(禮貌回應)︰「屋企人留左飯,同埋可以慳返D錢」

上司(離地feel)︰「出去食個飯都係50蚊啫,有幾貴呀」轉身出外食飯

小職員(背後大叫)︰「但我人工得果9000蚊呢,那有錢,你XX」

上司返轉頭︰「你講咩話?」

小職員(嚇一嚇)︰「我話我就開得飯啫…」

—— 第五集 —— 主題︰嚇死人咩 個心離一離呀  英文︰You scare the daylight out of me / My heart skipped a beat

(圖片來源:電視截圖)

用電腦做自己野篇

5:30pm,小職員提早完成當日工作,用電腦追劇

上司突然急步走來,小職員即刻轉mon

上司︰「e個project你跟跟,打埋個proposal比我」

上司眼見小職員好緊張,問︰「做咩標晒汗?你唔想做呀?」懷疑之後走人

小職員︰「嚇死人咩 個心離一離呀」

小職員(灰)︰「今次真係有排先收得工…」

—— 第六集 —— 主題︰射波   英文︰I’m not faking it. Fake it/Lie

生病篇

小職員生病不能上班,致電上司︰「唔好意思,我發緊燒病左,想請假…」

上司(質疑小職員)︰「你真病定假病呀,唔好玩野wo!」

小職員︰「我真係好辛苦,會補返醫生紙」

上司(質疑小職員)︰「係就最好啦!你probation都未過,比我知你係射波就大獲!」

小職員︰「病到死都仲講呢d,痴線…」

—— 第七集 —— 主題︰我最期待嘅畫面出現了  英文︰Oh thank you God for answering my prayer. I can’t believe this is happening

(圖片來源:電視截圖)

上司肚痛篇

小職員已完成工作,send email等上司confirm,但等了半個鐘也未有答覆。

再打電話,只有長響無人接聽。

小職員問其中一個同事︰「知唔知阿頭係咪出左去?」

同事︰「今日佢無assignment,唔會出去,但頭先響廁所見完佢就無再見過…」

小職員走到洗手間,聞到臭味,遮鼻問︰「阿頭,你喺度嗎?」

上司(痛苦)︰「我好肚痛,你早d返去先,我聽朝再批你份proposal…」

小職員忍唔住大叫︰「我最期待嘅畫面出現啦」

上司(痛苦表情)

小職員轉身唱︰「鐘聲響起歸家的訊號…」

—— 第八集 —— 主題︰你永遠不會成功  英文︰ You never make it / you loser

(圖片來源:電視截圖)

返工遲到篇

9:20am 上司全身濕透返公司,眼見小職員未返到,整理好衣衫

9:30am 小職員全身濕透慌忙回公司,上司霸氣走到小職員座位

上司(大鬧)︰「做乜咁遲返?」

小職員(邊抹身邊講)︰「出面好大雨呀,又塞車,我已經預早左出門口啦…」

上司(大鬧)︰「你遲左成半個鐘先返到呀!你知唔知你probation都未過,我可以mark返低你遲到紀錄」

小職員(有d噪)︰「遲到我都唔想架!出面真係好大雨!」

上司反駁︰「你永遠不會成功!」

小職員啤住上司離開到入房。

—— 第九集 —— 主題︰你快點回火星吧! 英文︰You don’t belong here /Your planet is looking for you

(圖片來源:電影截圖)

上司使人唔使本篇

上司︰「以下嘅說話我只講一次!記住佢唔好錯!」

小職員(拿薄仔抄低)

上司分稿件︰「e份俾阿明、e份俾阿聰、e份俾阿娜莎莎同dada、e份俾阿陽阿祥同阿瑩、e份俾…@##$%^&*()_p」

上司︰「唔洗急最緊要快,GO!」

小職員派稿,最後全部派錯

上司(大鬧)︰「你知唔知你一個人嘅錯搞到我哋全個process都無辦法落去,拖慢晒我哋進度仲要同你執手尾!」

小職員忍唔住反駁︰「我初來報到,你都未同我介紹邊個打邊個,同埋頭先你真係講得好快…」

上司︰「nonono!你係咪唔識聽中文?你快點回火星吧!」

小職員揸實拳頭,忍無可忍…

—— 第十集 —— 主題︰你大我啊? 英文︰Are you calling my bluff?

(圖片來源:電影截圖)

 小職員被屈,嬲到爆炸篇

過去九集小職員不停被上司屈,屈到臨界點,小職員要爆啦!

上司房間,上司收到高層電話

上司︰「喂」

高層︰「今期條數唔係好掂,D客唔係好滿意,話CUT BUDGET,你識做啦~」

上司︰「但有D同事有家室,又供緊樓負擔大,CUT人手佢哋分分鐘承受唔住…」

高層︰「你係都搵D新入職嘅開刀啦,又唔洗賠糧」

小職員被傳召入上司房間,上司遞信給小職員

上司︰「睇返你依兩個幾月表現,你都係唔適合依度做,你走啦」

小職員(激動mode)︰「點解?我咩都跟足你指示做,你哋D野成日變我都即刻跟,仲瘋狂OT」

上司(帶點口窒)︰「ER…變就度度都會變,但你跟唔上進度(明屈),You are fired!」

小職員(忍無可忍)︰「你大我啊?E家係我唔撈啦!」再將封信撕掉,頭也不回走人。

https://www.youtube.com/watch?v=w7FdZONQ_OE&list=PLVMKMfqQv2-_Xh4J8_NKVkvmXq33Q_zVx&index=10