診所職場事

診所職場事 寶豬趣聞 冚家太太|珍寶豬

職場

廣告

【診所職場事】有日一位太太嚟到~

佢行埋嚟問我:「有冇XX針打呀?」

撰文:珍寶豬

我:「唔好意思呀,我哋冇貨呀」
佢:「你唔會返貨㗎咩?」
我:「短期內都未必有貨啊~」
佢:「睇住我哋冚家_呀?」
冇疫苗打啫,都唔駛咒自己全家嘅…

我:「唔係咁嘅意思,太太你冷靜啲~我哋而家冇貨㗎啦,或者你去其他診所問呀?」
佢:「我喺度睇開㗎,我全家都喺度睇㗎」
我:「如果我哋訂到貨返咗貨嘅打俾你呀?你俾你登記嘅電話號碼我,或者覆診卡號碼呀?」
佢:「XXXX-XXXX」
我查查排版紀錄,一望,成幾年冇嚟睇過都叫睇開嗎?

我:「太太,咁我幫你MARK底一有貨就通知你呀,不過如果你真係急住打嘅,都去問吓其他診所啦」

佢:「幾時有貨呀?」
我:「我哋未知呀~而家風頭火勢訂唔訂到都成問題,所以你問多幾間就穩陣啲」
佢:「我喺度睇開㗎嘛,你係我家庭診所呀,仲要開正喺我樓下喎,唔係應該顧咗我哋先㗎咩?」
條邨咁大,一個醫生就得一個,點算好呀?

我:「明白嘅~總之我哋一有就即刻搵你啦」
佢:「我哋全家都喺度睇開㗎嘛」
我:「我知呀,幾年前你哋都喺度睇嘛~排版睇到~總之一有針就CALL你呀~」
佢臉色一沉,邊講邊退後離開:「幾年前唔係客呀?我俾足咁多年錢養你哋呀,你好快啲打去訂呀!我冚家_唯你事問呀!」

其實你係咪好想自己冚家埋單啫?