90後打工仔辛酸潮文  網友:每日8點起身又返監倉

90後打工仔辛酸潮文 網友:每日8點起身又返監倉

作為一個打工仔,就要預咗人生有好多嘢唔輪到我地控制,上車買樓,去旅行呢啲好似好平常嘅事情,其實唔係個個香港人都可以享受到。慢慢地失去自由,我地香港人都開始坐監嘅人生。

圖片來源: tvb《蘭花劫》截圖、電影《黑獄斷腸歌之砌生豬肉》截圖、visualhunt    資料來源:連登討論區

有巴打就係連登發文,表達究竟香港人為咗份工同埋金錢可以去到幾盡。巴打自己就表示為咗個人工,每日都無人生目標咁生活,仲要每朝趕返工搭巴士地鐵,都唔知自己想做啲乜。

但亦有網友表示不明白為何巴打要覺得香港人要失去自由咁返工,根本大部分香港人都係為咗份人工,要去養妻活兒。現實世界好難會有人可以每日開心咁返工,有嘅都只會係少數。

但同時筆者都曾經係個whatsapp group睇過一位巴打嘅分享,佢嘅形容極為生動,佢將每日返工就好比坐監一般。每日做嘅工作就好似製吓衣咁,做嘅工作完全唔係自己所熱愛嘅工種。

放咗工又無太多錢食好嘢,唯有食連鎖快餐店中較便宜嘅套餐,其實就好像食監獄餐咁,根本無權同自由去選擇自己最想過嘅生活同人生。

雖然以上嘅例子實在太過誇張,將我地現在的生活比喻成坐監嘅諗法實在有點偏激,亦有點唔恰當。但係諗深一層,究竟係咩原因會令一個剛大學畢業嘅大好青年會有如此想法?

筆者想了又想都摸不著頭腦,又或者其實已經一早知道咗答案,只不過要繼續扮懵然不知。

延伸閱讀:

空姐轉行搞食肆 開牛肉飯店 由深水埗賣到元朗

關鍵詞
網民熱話