買樓發達 買錯樓 香港樓市2018

註定難靠買樓發達 2類人一世「買錯樓」| 香港樓市2019 | 經一專欄

社會熱話

廣告

買樓 ・經一專欄】香港樓市太癲,身邊很多朋友都說想買樓…   然而每次叫他們去睇樓,仲慘過叫佢去死!一世「買錯樓」就這樣展開序幕…

撰文:Ann姐 |圖片:新傳媒資料、unsplash

難靠買樓發達第一類…冇得救!

十萬個理由推三推四~~又話約咗女朋友、要開OT、買咗飛睇戲、阿媽煮咗飯…真係乜理由都有!

根本就唔想去睇,咁點買呢?緣份到了,就自然會有筍盤自己走上來敲門:「等咗你好耐啦,買我啦!」冇得救,不談了!

冇諗住買,有乜好睇?

買樓發達 買錯樓 香港樓市2018
圖片:新傳媒資料

難靠買樓發達第二類…冇眼睇!樣樣都話唔啱、冇興趣~~

例如叫他們去元朗屯門睇下上車盤,他們會說:「咁遠?冇諗住買,有乜好睇?」

叫佢哋去奧運四小龍睇嚇中價樓,他們會說: 「咁大銀碼,都買唔起,有乜好睇?」叫他們去睇嚇新樓,他們會說:「價錢咁貴,貴過附近啲二手兩三成,有乜好睇?」

圖片:新傳媒資料
圖片:新傳媒資料

叫他們去睇嚇市區舊樓,他們會說:「樓齡咁舊,冇諗住買,有乜好睇?」

總之,有諗住買的,先有興趣去睇!

買樓發達 買錯樓 香港樓市2018
圖片:新傳媒資料

甚麼是「有諗住買」的樓呢?

其實很多時候,他們不知道自己想要甚麼,最終在沒有給予自己選擇的情況下,很多朋友都會選擇自己熟悉的地方,例如自己屋企、親人朋友屋企、者工作地點附近。然而熟悉,不代表賺錢。

筆者上車的時候,都是抱著這個心態,自己在港島西長大,眼光也就局限在這裡,幸好過去十多年升幅強勁,但回想起來,如果不是港島西線,未必可以賺到這麼多。

買樓發達 買錯樓 香港樓市2018
圖片:新傳媒資料

買樓發達思維:就算「冇諗住買」其實都應該要睇!

睇樓不是為買樓,而是為增進資訊、知識、經驗,為了知價!

買樓發達 買錯樓 香港樓市2018
圖片:新傳媒資料

就算你的計劃是買新界東的上車屋苑,也應該到其他地區走走,看看其他地區質素相若的上車盤是甚麼價錢,這樣才知道自己鎖定的目標地區有沒有偏貴。

如果是投資的話,更應該看看其他質素、類型的樓,新式屋苑是甚麼價錢?舊樓又是甚麼價錢?回報有多少?預期升幅又有多少?這才是所謂的…性價比!

香港樓市2018 銀行 樓市 H按 中美貿易戰 白居二 單位 劈價
圖片:新傳媒資料

「資金多、欠債比率低、需求大及供應無改善」

資產倍增思維:就算「冇諗住買」其實都應該要睇!利劍不是出鞘果一下先諗住磨,對嗎?

買錯樓比買貴樓更危險! by Ann姐

註定難靠買樓發達 2類人一世「買錯樓」| 香港樓市2019 | 經一專欄

編按:Ann姐為「有樓萬事足」節目總顧問、「買樓上車防中伏」、「上車又住又賺」及「財富十級跳」作者,作者專頁Ann姐上岸原理cMoneyHome.tv