月入28K揸40萬資產 想盡快買樓 點靠月供股票滾大首期 |龔成信箱 |上車

月入28K揸40萬資產 想盡快買樓 點靠月供股票滾大首期 |龔成信箱 |上車

【上車】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題,當中包括遊輪股、進取投資、月供股票、優質股、科技股,以及止蝕的提問。

撰文:龔成 |圖片:unsplash

1.上車

本人收入穩定 每月有28000 。想買樓 資產有40幾萬

本身有買基金及銀行儲蓄 但都是長遠供緊 如果想短期 增長資產 有什麼投資推介 想嘗試買股票 但不懂 是不是買銀行月供股會保障一點 ??

 

龔成老師:

短炒投資是高風險的行為,同埋跟據我過往做了10年銀行及證券行的經驗,短炒客絕大部分無錢賺。

你可以作中長線投資,例如投資盈富基金(2800),當中包括了50隻質素不差的股票,你只需要到銀行開證券戶口,然後登記月供股票就得。

原理就是每月供相同的金額,由於買入價不同,因此要買到不同的股數,原理就是儲股票一樣。對你來說是最好的。(對照龔成信箱:Q6263)

2.FIT HON TENG(6088)

龔老師,本人$5買入(6088),想問下你對呢隻股既前景係點,有無機會上返$7.38高位呢?

 

龔成老師:

FIT HON TENG(6088)雖然本質不差,但要上翻高位有難度。

雖然佢的生意做得好大,但始終增長力都不算好強,因為始終依靠手機行業的發展,同埋d大客的生意情況,而現時手機行業,發展雖然正面,但已經不是最高的增長時期,要上翻高位有難度。

佢都會平穩增長的,這類股中短期難免波動,但長期都會慢慢增長,始終這股不是無價值,長線持有會上翻你的買入價的。(對照龔成信箱:Q6260)

3.長線投資

龔Sir, 你好!我今年33歲,單身。有睇過你既書,獲益良多。

我月入15萬,有一層自住樓,市值2100萬。但係按揭每月$30,000,同埋償還家人首期貸款每月$83,000,月供股票$20,000,個人消費及雜費每月$18,000。

月供股票供緊 3, 66, 700, 823, 1038 (蝕錢), 2318,股票市值4x萬,之前有買過你介紹的1448,賬面賺左啲 錢。

手上有110萬現金。想投資資產,有考慮過細單位,股票同車位。但見資產現價已經好高。

想請教龔Sir :

(1) 我的月供組合是否適合,例如斷供1038? 同係咪要再進取啲 ?

(2) 而家應該持有cash 定再投資資產? 有冇咩合理價格資產推介?十分感謝!!!

 

龔成老師:

1)唔洗停供長建(1038),你唔好著重佢的股價,股價雖然比你買入價低,但唔代表佢的質素差。這股的質素仍在,只是歐洲業務較弱對佢有所影響,佢長期的增長力仍在。

股價與價值是兩回事,只要價值好,就可以保持月供,因為這是一個長線投資,你保持進行就得。當然,你唔好預佢高速增長,但之後平穩增長都可以。

2)由於你的財富組合,已經偏重於物業,加上現時香港樓已不平,因此暫時唔洗投資這類,反而找其他類別投資會較好。

你現時持有的股票不算多,現金將其中的$50萬,分注買入優質股,長線投資,建立一個平衡的組合,其實已不錯。最簡單投資盈富(2800)都得,分注買入就可以。(對照龔成信箱:Q6262)

上車 增長資產 月供股票 龔成信箱
股價與價值是兩回事,只要價值好,就可以保持月供。

4.遊輪股

你好,我想問下你對遊輪股678睇法,而家亞太區遊輪旅遊,相比歐美人數相差好太,以你之見潛力巨大嗎?

 

龔成老師:

雲頂香港(0678)雖然有一定的規模,但業務則有點波動,質素只屬一般。

這股的生意其實都有增長,但盈利則較為波動,有時會賺得比較多,有時則處於虧損狀態,股價亦長期向下,投資價值只屬一般。

有時就算市場增長,但由於成本及經濟敏感等因素,都會令佢的收入及盈利有較大的變化,未必一定受惠市場增長的。(對照龔成信箱:Q6264)

5.月供股票

龔成你好,我45歲,過去日子沒有認真去理財,確實有點後悔。平時只係買下賣下咁賺少少就放果類人。現請指教應如何運用自己筆資金

現持有:現金$40萬、人民幣定期$10萬

中石化(386)3手、建行(939)10手

沒有任何物業,租樓住,扣除所有必定開支,可儲1萬

現打算用6000月供股票:

盈富 (2800)$2000
港鐵 (66)$1000
長建(1038)$1000
建行 (939)$1000
吉利 (175)$1000

 

龔成老師:

如果你每月可儲到$10000,用其中的$6000去月供股票,數目是適合的。

你所選的5隻股票,都是有質素的股票,可月供及長線投資,你現時45歲,仍然有增值的能力,所選股票應是平穩增值股,上述股票都是適合的,基本上已經可以開始進行,只要你不理中短期的股價,長期進行就可以了。

到你供了10年,到55歲後,才慢慢調整組合,開始增加收息股類別,為日後退休做準備,但這可以到時先處理,這刻不用急。

至於你現時持有的$40萬,其實都可以收部分用作投資股票,大約可用$15萬-$20萬,投資平穩增值股,例如盈富(2800),分注買入就得,餘下的就不要用,等大跌市時才用。

上述模式已能助你財富有平穩增值的效果。(對照龔成信箱:Q6265)

6.進取投資

Hihi Mr success ,我有以下月供計劃,都run左半年,可以俾下comment嗎?

盈富 (2800) $5000
港鐵 (0066)$ 3000
領展 (0823) $3000
長江基建 (1038)$1000
電能實業 (0006)$1000
煤氣 (0003) $5000
比亞迪 (1211)$2000

諗緊會唔會係2800 同3仔中間各抽1千蚊共二千元去供一d潛力股比較好?有無推薦?

咁供法我每月仍有足夠現金應付日常開支,不過因未夠三十歲想進取啲但又唔識選擇,求賜教

 

龔成老師:

你後生,仍然可以進取一點,現時月供的組合中,大部分都是平穩增值股,潛力股的確較少,雖然上述都是有質素的股票,但如果你想進取一點,將其中$2000,供一些潛力股是可以的。

因為你現時總共供$2萬,就算潛力股部分加至合共$4000,都只是2成,絕對無問題。

中生製藥(1177)都是一隻不錯的潛力股,但現時的股價處略貴的水平,但由於這股仍有增長的空間,因此以月供模式買入是最好的,但應該不是間間銀行有得供。如無得供,你可以加注在比亞迪,就算供$4000,都只是佔你總月供的2成,無問題。(對照龔成信箱:Q6266)

7.優質股

龔成你好,我睇你的post及買了你的書,開始明白現金不等於資產這概念,例如十年前拿現金一百萬不買賣,同十年前用一百萬投資車位/單位/恆指的分別。現在有些問題想請教:

現手持金沙,比亞迪,比亞迪電子,上海醫藥,北控水務,龍源電力,長城汽車,中國中冶,會否較散?

其中中國中冶比重大,打算升少少後先放出,持現金等買入更優質的股票,這策略正確嗎?

 

龔成老師:

又唔算好散,最重要的就是要自己手上的持股「都有一定的質素」。你所持的股都不差的。

如果中國中冶(1618)佔比較大,最好將部分轉做其他優質股,這股都有質素,但又不是很高級別,生意的增長力不算強,長遠較難有驚喜。(對照龔成信箱:Q6267)

8.止蝕

老師,家人兩三年前聽消息,大注買入228中能控股,現已蝕近六成,是否應壯士斷臂?謝謝你

 

龔成老師:

3)中能控股(0228)相當麻煩,因為佢多年來都處於年年虧損的狀態,而最可怕的是,如果你有睇過佢的年報,由3年前開始,連續3年,核數師因未能取得足夠及適當的審核證據,核數師對佢財務報表「不發表意見」,這反映佢條數令人擔心。

這股你最好止蝕。雖然中短期可能會有上落,但持有愈耐,只會愈貶值。(對照龔成信箱:Q6268)

9.丘鈦科技(1478)

龔成老師,請問丘鈦科技前景如何?手機設備股係唔係開始踏入增長緩慢期?多謝解答

 

龔成老師:

手機設備股的確進行了較平穩的時期,其實智能手機最爆炸的時期已經過去,近年已轉成平穩增長,只是市場上出現了熱炒期,但其後發現原來行業只能平穩增長,因此回復冷靜。

丘鈦科技(1478)本質不錯,這股過往處於高增長,但相信隨著大環境改變,但的增長都會減慢,回復至平穩增長水平。這股前景正面,本質都有一定的質素,但就不是高速增長。(對照龔成信箱:Q6269)

10.科技股

你好老師。有幾個問題想請教:

1. 我手頭上有以下股票:
1. 1523: 128,000股 @ $1.75
2. 0700: 200股 @ $417.8

3. 1211: 1,000股 @ $54.3
請問你覺得呢個組合如何?有什麼地方可以adjust而令到分配好d?

2. 0700出左業績,但一般市況都好淡咁。我擔心之前在高位買左。請問你點睇呢?好唔好我而加先沽止一止,睇定d再入呢?

3. 手頭上若有$400,000,比著你的話,你會揀邊隻股同點分配呢?

4. 因屋企有迫切的住屋需要,想盡快地搵到過百萬上樓。請問你會點分配資產同投資以最短時間達成目標呢?

謝謝龔成老師指導我上成功之路

 

龔成老師:

1)如果你組合只有3隻股票,是有會集中風險的情況,最好增加多些其他類的股票,例如盈富(2800),令你的組合更平衡。

同時,持有的都是科技類的潛力股,這會令你面對較大風險,潛力股當然可以投資,但不應佔組合太大部分,你應該建立一個更平衡的組合。

2)騰訊(0700)是有質素的股票,你不用理中短期的股價,長線持有就得,但你暫時不要再增持了。

3)你應將部分資金,例如$20萬,投資在平穩增值類的股票,例如盈富、港鐵(0066)、金沙(1928)、中銀香港(2388)、長建(1038)、領展(0823)等。

4)你只要增加你的投資知識,在選股及買賣時機上提升,就可]以令你的財富倍增,單靠打工難以幫你做到,你一定要靠工具,而股票正是其中一項工具,你要學習如何更有效運用工具。

例如我當年月入$1萬時,5年累積到$100萬,就是利用股票,但我不斷睇書上堂,而每星期更睇一本年報,不斷分析公司,這才做到。

加油!只要你有強烈的渴望,同時將目標視為「一定要做到的目標」,你就可以做到!(對照龔成信箱:Q6270)

 

【限時優惠】中銀「易達錢」享高達6個月「利息回贈」,實際年利率低至2.69%!

延伸閱讀:

25歲每月4K做月供股票 All in一隻股票 還是分散買四隻好

80後月儲4K 無投資頭緒 目標10年內買樓自住 應該點做

80後 投資 買樓 龔成信箱