劈價盤湧現 執筍貨機會在眼前 散戶想買平樓 就先要遠離 XX

劈價盤湧現 執筍貨機會在眼前 散戶想買平樓 就先要遠離 XX

樓市轉勢,劈價盤湧現,買平樓機會在眼前,但大部份散戶充滿負面情緒…

網友A: 仲諗買樓?害死人啦!

網友B: 仲睇樓?跌緊喎!真係買先睇啦!
網友C: 又貿易戰、又加息,有排跌啦!
網友D: 遲啲仲平呀!
撰文:1%Anthony | 圖片:新傳媒資料室、unsplash

身邊很多朋友埋怨,買唔到平樓!…應該的!

就好似最近樓市轉勢,市場充斥負面新聞,劈價盤湧現,買平樓的機會就在眼前。

偏偏這個時候,個個都唔敢買,甚至睇都唔願睇,滿腦子負面思想。

羊群心態…散戶買唔到平樓,是應該的!

劈價盤, 買平樓, 散戶, 負面情緒, 買樓, 樓市
圖片:新傳媒資料室

正當羊群都驚樓市會繼續下跌,筆者與學員們,早幾個月就已經做定準備。

賣樓的賣樓,加按的加按,套定現金,上定子彈,隨時準備執平貨!

…筍盤只落在投資者手上,也是應該的!

劈價盤, 買平樓, 散戶, 負面情緒, 買樓, 樓市
圖片:unsplash

網友A: 仲諗買樓?害死人啦!

實情: 而家唔諗,唔通升市先去創新高咩?

雖然中原城市領先指數下跌幅度不大,但個別大型屋苑,陸續錄得劈價成交。

例如之前炒得火熱的沙田第一城、嘉湖山莊等等,普遍成交價比今年高位低逾一成,個別成交甚至平逾100萬!

劈價盤, 買平樓, 散戶, 負面情緒, 買樓, 樓市
圖片:unsplash

舉例說,去年年底筆者與幾位同學到天水圍執平貨,大約500萬就可以買到的細三房單位。

今年年中高位的時候,動輒逾 650萬,最近又重返近550萬的水平,點解650萬的時候你會爭住去創新高?

550萬的時候反而唔敢買?死人?!650萬易死?還是550萬易死?

劈價盤, 買平樓, 散戶, 負面情緒, 買樓, 樓市
圖片:unsplash

網友B: 仲睇樓?跌緊喎!真係買先睇啦!

實情: 即睇即買咩?唔睇定先,平樓出現,點夠人快?

個個都想等到樓價跌到最低點先買,唔好咁天真啦!邊個知幾時係最低點?

就算俾你咁好彩,真係估到幾時係最低點,到時先去睇?全港19區咁大,去邊度睇呢?邊區有潛力?到時先睇?

劈價盤, 買平樓, 散戶, 負面情緒, 買樓, 樓市
圖片:unsplash

其他投資者一早已經做好晒準備啦,一劈落嚟,人到票到,你先去慢慢睇,到你睇啱心水,投資者已經入晒貨啦,筍盤幾時留得到俾你?

相比投資者,散戶經驗唔夠多,財力唔夠厚,想買到筍盤就要靠平時做足準備。

趁跌市剛剛開始,及早學習揀樓、買賣、議價等技巧,裝備好自己,多睇樓,多比較,機會只會留給有準備的人。

劈價盤, 買平樓, 散戶, 負面情緒, 買樓, 樓市
圖片:unsplash

網友C: 又貿易戰、又加息,有排跌啦!

實情: 有辣招護航,跌得幾多?

過去兩年樓市升到你迷信,無論甚麼負面消息,例如股市下跌、中美貿易戰、加息等,市場都會解讀為…冇影響!

羊群就一窩蜂的看升!直至最近,樓市轉勢,同樣的論點,竟然被解讀為…有排跌!

劈價盤, 買平樓, 散戶, 負面情緒, 買樓, 樓市
圖片:unsplash

羊群就一面倒看跌!咁即係點?即是冇影響定有影響?即是升還是跌?

羊群心態,人講乜,就信乜!作為理性的投資者,應該有獨立的分析能力,貿易戰、加息、股市不振…

對樓價的影響一定有,否則就唔會有劈價,就唔會有業主平賣。

然而在辣招護航下,超過一個物業的業主,賣咗就買唔番,好多都唔願賣樓,跌得幾多?

圖片:新傳媒資料室
圖片:新傳媒資料室

網友D: 遲啲仲平呀!

實情: 同意!關鍵是…遲幾多?平幾多?

別期望樓價會持續下跌,過去兩次跌市,2013~14年政府推出3D辣招,市場調整時間約一年多。

2015~16年大陸股災,引發細價股爆煲,市場調整約9個月。

劈價盤, 買平樓, 散戶, 負面情緒, 買樓, 樓市
圖片:新傳媒資料室

今次調整,除了外圍因素,加息因素,最主要的是因為之前升得太多,市場需要調整消化,調整多久呢?

除了要看外圍因素,還要看調整的速度、深度,簡單說…如果業主肯減價,發商商肯減價,相信很快就調整完成。

如果好似最近的新盤唔肯平,那麼調整就需要更長時間。至於調整幾多,筆者亦有預算,篇幅所限,留待講座活動詳談。