90後月儲$25K 計劃幾年內置業 靠投資美股保險海外樓盤達標 |龔成信箱

90後月儲$25K 計劃幾年內置業 靠投資美股保險海外樓盤達標 |龔成信箱

【美股】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括潛力股、合理價、月供股票、指數基金、收息股,以及醫藥股等提問。

撰文:龔成 |圖片:新傳媒資料庫、unsplash

1.買樓

龔成老師你好,小弟現時27歲,每月可儲2萬5左右。

過去一直都有儲蓄習慣,但因早年不懂真正投資方法,過去五年炒股/炒牛熊,輸左接近10萬!現時存款大約只有60萬。

另外,持有當年高位買入的 6000股 (00178)莎莎國際 (平均買入價 $7.49); 2200股 (00653) 卓悅控股 (平均買入價 $1.6); 和 500股 (01913) 普拉達 (平均買入價 $67.05)

近年看到你的文章,買哂你所有既大作,非常認同你的分析,但都好後悔咁遲先睇到。

由於小弟下年計劃結婚所以有機會需要洗錢,想請教老師幾個問題:

1. 我應否賣出哂當年高位買入果幾隻股票呢,如果賣應該幾時放哂佢地好?

2. 想開始月供股票建立投資組合,以我現時財政狀況和市場情況,應該如何部署? 老師有否任何推介?

3. 計劃在幾年後買樓,應否預留更多現金?

4. 除港股外,應否買入美股、保險、海外樓盤等作投資用途?謝謝老師

 

龔成老師:

1)我地決定持有一隻股票與否,最重要是股票的質素,以及前景,買入價與現價不是關鍵位。

莎莎(0178)有質素,有得守,但你當年的買入價,是自由行最熱的時期,要上翻去不易,相信要多點耐心,但可以持有。

至於卓悅(0653),質素則一般,可以在見到有較大反彈時賣出。至於普拉達(1913),有質素,可守,但要上翻高位不易。

2)如果你下年結婚,就要以儲現金行先,因為投資要長線才有回報,你中期要用資金,根本不宜投資。因此,你要先計晒下年要用多少錢,餘下的才可投資,才可去做月供股票。

3)如果在2年內打算買樓,應該多留現金,但如果3年後才買,則可以先將資金增值,可作投資,之後用這筆已滾大的錢買物業。

4)只要是優質股,都可投資,所以美股都可以,但重點是「優質股」,以及你了解的程度。保險是理財中防守的一環,有其作用,但不用太多。海外樓盤你要先作充份了解,同時確保回報率吸引,才可投資。(對照龔成信箱:Q6769)

2.周大福(1929)

龔成老師,我現時持有

285比亞迪電子[email protected]
144招商局港口[email protected]
銀河娛樂$[email protected]

此組合已佔我60%資產, 餘下40%現金, 打算買入1929周大福/ 1211比亞迪汽車/ 257中國光大

請問此組合可以嗎?
價格是否合理?謝謝

 

龔成老師:

你持有的都是有質素的股票,可以長線持有,但你現時餘下的40%現金,不要用盡,最多動用其中的一半,因為現時的市況並不是好平,你要有一定的現金作為最後防線,如果大跌市時,你就有資金買平貨。

周大福(1929)、比亞迪(1211)、中國光大(0257)都是有質素,可長線投資的,但你就要控制注碼,特別是你本身已有0285、如加入1211時,就不能太大注。(對照龔成信箱:Q6742)

周大福(1929)、比亞迪(1211)、中國光大(0257)都是有質素,可長線投資的
周大福(1929)、比亞迪(1211)、中國光大(0257)都是有質素,可長線投資的

 

3.比亞迪電子(0285)

成兄:請問1357美圖點睇,跌左唔少,得入嗎?

仲有285比亞迪電子∼可以入嗎?

 

龔成老師:

美圖公司(1357)雖然話有潛力,但你睇翻佢過往的財務數據,你會見到佢的生意雖然高速增長,但年年蝕錢,這刻仍然處於燒銀紙的狀態。

現時市值幾百億,基本上都是來自市場比佢的概念價值,而這個價值幾多先合理,根本無人知,即是這股的股價,一定會好波動,有危有機,你要自己平衡風險。如果小注投資,都可以的。

至於比亞迪電子(0285),有一定的潛力,但相信中短期會較一般,這股可以長線投資,但就要有耐心先見到收成。(對照龔成信箱:Q6743)

4.醫藥股

你認為藥股如何?
例如2005?

 

龔成老師:

醫藥股雖然正面,有潛力,但近年已有不少炒作,現時已處於略貴水平,這刻買入反而要小心。

石四藥集團(2005)無論生意及盈利,都處於理想的水平,股本回報率同樣處於高水平,這是其他行業較難達到的,反映行業的賺錢能力高,企業有一定的質素。

不過,這股的估值處於略貴水平,同不少醫藥股一樣都有這情況,投資時只能小注。(對照龔成信箱:Q6744)

5.指數基金

老師你好。之前睇到一啲文章,講話畢菲特如果係一個普通30歲既打工仔,應該點投資。畢菲特話買指數基金,特別係跟標普500。佢好似同人對賭買左vanguard公司個個。好似見到佢都有每年10幾%增幅。

如果我想買,係香港有咩途徑?

 

龔成老師:

畢菲特一向好支持指數基金的,因為根據統計,傳統基金的表現,有80%是跑輸大市的,即是與其買傳統基金,倒不如簡單地買指數基金仲好。

同時,巴菲特認為,選股要有一定的技巧,一般人如果無學過,不如簡簡單單買指數基金,已能減少風險,同時有不錯回報。

在香港,盈富(2800)就是追蹤著恆指的指數基金,過往多年的表現都不錯,同時有約3%的股息,對大部分人來說,是很好的投資工具。(對照龔成信箱:Q6745)

6.合理價

604深圳控股,是否優質的股,合理價幾多?長渣收息得嗎?謝謝

 

龔成老師:

深圳控股(0604)有一定的質素,但生意會有少少波動,這就會令股價都較為波動,佢在內地做地產,一定會受中國樓市影響,而中國樓市都會有波動。

所以,這股可以投資,但如果作為收息股,雖然這刻的股息率唔錯,但之後可能會因業務波動而減少,這點你要明白。(對照龔成信箱:Q6746)

7.長建(1038)

1038為什麼到年頭跌到依家?
依家溝淡係咪時機?

 

龔成老師:

長建(1038)佢有不少歐洲業務,因此近期這些業務的表現一般,影響了整個企業的表現。其實佢不少資產都有質素,只是中短期仍會較弱。

這刻有投資價值,分注買入無問題。(對照龔成信箱:Q6747)

8.怡和集團

龔sir, 眼見大部分餐廳都係美心集團,又搵唔到佢上市號碼,佢係屬於怡和集團,怡和屬下好多行業,好多子公司,但怡和集團本身在香港已沒有上市?

咁如果想投資佢地,又應該買邊隻股票?

 

龔成老師:

美心係怡和系的公司,業務龐大,而且不少都有一定的質素。

怡和系在幾十年前有在香港上市,但之後比李嘉誠等華資追擊,怡和怕失去控股權,最後整個系都無在香港上市,轉到新加坡上市。你如果想買,只有開海外的證券戶口先買得到。(對照龔成信箱:Q6748)

9.潛力股

老師,我已經有隻收息股,但我想選擇多一隻潛力股,你覺得比亞迪股份適合嗎?還有一次買入一手可以嗎?

 

龔成老師:

如果你是年輕人,投資部分在潛力股是可以的,比亞迪(1211)是有質素,有潛力的股票,但中短期的業務較弱,所以中短期的股價仍會較一般。

所以,你可以入這股,但投資價略上,最好分注,如資金較多,慢慢一手手分開入較好,如資金不多,則可以利用月供股票模式,慢慢累積。(對照龔成信箱:Q6749)

10.月供組合

龔老師:你好!我30歲,每月大概可以儲到3-4千現金,儲蓄大概有10萬,沒有投資經驗,下個月想開始在中銀月供。

投資組合 港鐵$1500(66),領展$1500(0823),盈富$1000(2800)

請問呢個組合可行嗎?謝謝

同問 其實月供有地方五係幾清楚,假如每月供$4000,大概供一年$48000,如果斷供,係咪可以拎返$48000的?
謝謝

 

龔成老師:

對初階者而言,月供股票是很好的方法,因為買入價得以平均,風險能有效減少,但最好是長期去供,即是供幾年以上,效果會更好。

你所選的都是優質股,已經可以進行月供,至於現時持有的$10萬,不用太急去買貨,可以慢慢用,分注買入,同時要預留一定的現金。

月供股票,就是以當時的市價買入股票,當你供左一年後,你就是投資了$48000,這刻已經是股票。如果你想這刻賣出,就要視乎這些股票這刻的市價是多少。

股票在中短期都可以上上落落,但如果是優質股,長期都是上升的。(對照龔成信箱:Q6750)

 

延伸閱讀:

打算10年內退休 揸300萬現金 想自製長糧每月3萬被動收入

退休 現金 自製長糧 被動收入 龔成信箱

70後想供女兒海外留學 揸現金20萬月儲2萬 月供股票要點揀 

海外留學 現金 月供股票 龔成信箱