同奴性重同事工作 慘過遇著衰上司|Purple弟弟|職場制勝

同奴性重同事工作 慘過遇著衰上司|Purple弟弟|職場制勝

奴性職場制勝】點解香港人如此熱衷於返工!同班唔知驚乜,奴性重嘅人做同事,可以話係塵世間最慘痛之事。
撰文:Purple弟弟 | 圖片:電視截圖、unsplashPhotoAC

奴性重同事無限硬食 一再推低底線

當年自己做SALES助手果陣,職責不外乎係整下POWERPOINT,跟下客咁,簽合同、搵生意呢啲當然係SALES自己做返,話曬佢地仲有佣分。

突然有一日開會,上司就話不如我地呢班所謂助手整份靚少少嘅Proposal,試下自己搵客,個客話OK就彈比佢。佣當然都係自己袋,心諗咁搵笨又加WORKLOAD當下面啲人傻的嗎?

奴性重, 同事, 工作, 衰上司, 奴隸同事, 奴隸獸
點解香港人如此熱衷於返工!圖片:unsplash

我不入地獄 誰入地獄

點知上司講完呢個提議,全場死寂,咁大家「淆底」我都明白。咁我不入地獄,誰入地獄呢?於是我回應:「嗯……好似SALES你地做返好少少,如果我地做埋咪同SALES無分別!」上司聽完話明白,再諗諗。

估唔到,咁簡單一件事就係惡夢嘅開始,一開完會,同事就圍埋話我不是:「你咁講得唔得架?」、「佢會唔會覺得我同你同一條船架?」、「你會唔會比人炒架?」、「做咪做囉,SEND下Proposal比人姐,咁大反應做乜」。

職場制勝 奴性 員工 同事 工作 辦公室 上司
圖片:電視截圖

職場係一個唔講理嘅地方

當時呢啲說話真係重創到我依家都仲隱隱作痛,句句都難聽過粗口!不過都令我了解到職場就係一個咁唔講理嘅地方,人哋拎刀拮你,最後想拮你果個人無事,出聲喝止住凶手反而比人圍住嚟插。

最後呢間公司我做唔夠一年,原因係工作愈來愈多又唔合理,多得班奴隸獸以為退一步係海闊天空!其實不知不覺已經退到去懸崖邊,甚至跌埋落去,不過相信佢哋都會笑住講一句:「仲未死得,無事嘅,退埋今次啦!」

奴性重, 同事, 工作, 衰上司, 奴隸同事, 奴隸獸
職場就係一個咁唔講理嘅地方。圖片:unsplash

胡亂揣測上司心意 專做多餘野

奴性重員工放工例牌無事做都坐多陣就唔再提,令正常同事一係承受住莫名壓力準時走;一係就陪佢哋低低能能坐多陣,不過佢哋有更大嘅罪名,就係想得太多。好多時上司衰唔衰我唔知,但佢哋會先入為主,覺得上司係高高在上不可侵犯!佢係皇上我係下人咁,產生一種權威嘅感覺,變得走火入魔!

奴性重, 同事, 工作, 衰上司, 奴隸同事, 奴隸獸
奴性重員工放工例牌無事做都坐多陣就唔再提,令正常同事一係承受住莫名壓力準時走。圖片:PhotoAC

事事怕得罪上司,好多時有問題嘅未必係上司,而係呢班奴隸獸!

「個客話個LOGO DESIGN簡單就得……」、「咁簡單老細會唔會覺得我無做嘢?」、「咁老細要做到嘢比客啫,你諗乜?」、「都係唔好啦,我整幾個簡單嘅,幾個複雜少少嘅,到時再比個客,唔係老細又唔鍾意」。

結果,最後個客最後一嚟就ban晒複雜嘅design,老細話佢整咁多做乜,又唔啱個客要求。而呢位同事就日日唱衰老細:「唉,都唔知點做好,做乜都比人話咁……」真係頂唔順呢班奴隸同事!

奴性重, 同事, 工作, 衰上司, 奴隸同事, 奴隸獸
事事怕得罪上司,好多時有問題嘅未必係上司,而係呢班奴隸獸!圖片:unsplash

 

相關文章