90後

90後感慨就到30歲都未上車 網民:點儲都買唔到樓 完全睇唔到將來!

社會熱話

廣告

經濟一週》雖然經常都訪問到不少80後或90後成功創業個案,不過事實上還有大量80後及90後的打工仔正在「捱世界」!家陣喺香港,每個月搵得一萬幾千的大有人在,想買樓上車真係難過登天!雖然近排樓價開始下跌,但跌極都係貴,真係唔係富二代或者你好彩中頭獎嘅話都唔會買到樓。最近有90後巴打發文感慨就快30歲點儲錢都買唔到樓,引嚟大批網民覺得心灰意冷,好有同感。

撰文:娛聞樂|圖片:photoAC、連登截圖、unsplash|編輯:乖乖、浩德

90後感概快30歲仍未置業

原來當年青春無敵,日日蒲K房、網吧、影貼紙相等等嘅90後都就快30歲(1990年出生的都28歲)。

有網民就喺連登以「原來90後嘅你都就三十歲」為題出Post,內文就感概畢業後無晒朋友,日日返工放工,儲錢唔知為咩!

因為點儲都買唔到樓,仲問大家過得點,有咩目標。

有巴打話啱啱出嚟做嘢,覺得好辛苦。

網民:「完全睇唔到將來!」

有人留言話90後係垃圾,大家又認唔認同先?

有網民就覺得喺香港無希望,好想離開呢一到,唔知生存為乜。

人生冇希望 前路渺茫茫

無父幹點買樓?

有人就表示已經上咗岸(有樓),即刻引嚟其他網民問買樓方法!

有人仲話:「無父幹點買樓?」

不過上咗岸嘅巴打回應得好玄,佢就話:「係你嘅嘢始終會得到。」

做多40年先退休好可怕

有網友就指,自己返咗5年,覺得自己做多40年先退休覺得好可怕!

其實大家咁話啦!我又何嘗唔係一樣!

自住樓到未買到,都唔敢諗退休啦嘛!