33歲女生唔識打關係 兩年半轉4份工 網民：職場如獸場 打工不能太弱勢
兩年半已轉4份工
有自稱33歲嘅中女網民，在討論區開帖「工作累, 心更累, 想辭職, 又轉工喇。 」
指自己已出嚟做嘢十幾年，但無一份工做得長。
最近幾年係因為人事問題或工作量大等原因而頻頻轉工。
近兩年半已轉咗三份工，而家做緊第四份。
自認太腍善 唔識做人 唔識打關係
咁究竟事主嘅問題出喺邊？點解會轉工轉得咁密呢？
事主就解釋「可能我咁多年黎（嚟）都係唔識做人，唔識攪關係，淨係識埋頭做野（嘢）又太林（腍）善，比（畀）人知我好蝦，又唔會反抗」
而今次想轉工嘅原因，就係喺公司事主喺公遇到「八婆文員」同事，「勁得閒，日日單單打打，把口可以全日唔停，攪小動作，起老闆面前篤我，同同事講我壞話，但我忙到比唔到反應，根本就唔得閒理佢，但對我精神好困擾。」
事主自己嘅總結係：「工作繁多, 八婆難頂, 我想過埋年走喇, 係咪唔岩（啱）, 好唔成熟呢? 但我已心累, 好灰喇。希望下份工更好。」
間間公司都有衰人 要調整心態
對於事主嘅問題，網友有好多唔同嘅回應，有人支持事主「快啲轉工」，因為影響到事主瞓唔到覺，搵到工就應該走。
但亦有網友反對，表示「間間公司都有衰人，要調整心態」。
有網友指：「我就覺得唔好走，走就中她的計，你仲要日日做得比她更好，其實到到地方都會有同樣的問題，你自己可以轉得幾多份工作，你自己都不細，做人做事都要成熟一點，唔好再三分鐘熱度，要堅持下去，問題是用來解決，不是逃避。」
打工不能太弱勢
有網友就關注到事主頻頻轉工，可能關係到其性格「太腍善」呢點，並指「打工不能太弱勢，即使不是什麼高級職位，也需要有d脾氣。」
另有網友同事是事主的性格問題，並建議事主：「長遠黎（嚟）講都要解決呢個問題，因為間間公司都有難相處既（嘅）同事」
無錯，辦公室的確係弱肉強食嘅地方，你冇害人嘅心，但難保其他都冇。
所以如果你返工以真面目示人，蝕底嘅通常都係自己。
延伸閱讀：
每天上班唯一可以喘口氣的時間 就是午飯的一個小時
每個員工都有自己利用午飯時間的方法，在外面吃飯、打兩場《傳說對決》或《PUBG》、邊吃飯邊看劇集、吃飽睡覺補充精神。
撰文：藍橘子 ｜ 圖片：unsplash
但我曾經做過的某些的公司就像北韓集中營一樣，以下是這些變態公司的規定：
１）午飯睡覺會影響公司形象
午飯不讓員工睡覺，因為有客戶進來開會會影響公司形象。
還規定要員工即使在吃飯時間也要接聽電話，避免客戶有緊急事情要幫忙。
員工也不可以用手機玩遊戲，原因也是為了公司形象，結果員工在午餐的自由時間一點也不自由…
２）公司電腦像監獄電腦
公司為了讓員工專心工作，所有電腦除了郵件與影印功能外，所有網頁一律都被封鎖了。
如果要連結有關工作的網頁，需要填寫申請表，得上司批准後才可以在特定時間內解鎖。
這就像在監獄內的電腦一樣，不能與外界通訊。
３）員工遺失文具要賠錢
文具係屬於公司資源之一，每個月頭員工都必須簽一張「文具表」，記錄每位員工的文具數量，月尾再作結算。
如果有遺失或發現用量過大便需要員工自付文具費用。
４）年尾勤工獎不能請病假
每年公司都會頒發勤工獎金港幣一千元獎勵勤奮的員工，但要求員工除了全年不能遲到之外，也不能請病假或事假…
也就是說即使生病也需要上班，才算是勤奮。
我從入職到離職，沒有一次能夠達標的。
因為…大家都知道，病假是用來裝病用的…
總結：
我非常理解做老闆對待一盤生意，任何支出與收入都必須控制。
但千萬不要忘記，一間公司最重要的資源，其實是「員工」。
延伸閱讀：
公司無飲水機 晚上七點後熄冷氣 老闆當員工「支出」非「資源」
【職場】作為一個生意人，老闆眼中只有收入同支出。所以老闆孤寒係相當合理，順帶一提，公司所有員工，都係支出嘅一部分。
人生中見過最孤寒嘅老闆
曾經遇過一間「神奇公司」，呢間公司嘅老闆係我一生人之中見過最孤寒嘅人。
公司基本上每日加班係正常嘅，但其他同事又甘願每晚加班到十點先神奇。
大陸加班都有雙倍薪金啦，我間公司畀得最低工資，老闆話因為加班即係未能完成工作，所以唔應該有雙倍薪金。
最慘係每個同事嘅工作量，根本無可能喺返工時間內完成。
同事有約會會提早返公司做嘢
可能你會問，乜其他同事無生活㗎咩？！
你又吹佢唔漲，如果佢哋有約會，會提早幾個鐘頭返公司做嘢。
而更加吹漲嘅係，無論你放工定放假、去旅行…都要照樣收公司e-mail。
所有客戶都有你手機，隨時會打畀你，同你講句：「唔好意思～知道你放緊假，但有樣嘢想你幫幫手。」
老闆採用自然流失政策
可能喺生意人眼中，「忙」係好事，代表公司有錢賺。
但正常嘅公司規模會愈做愈大，「神奇公司」就愈做愈縮…
我係指員工方面，如果有同事辭職或放產假，老闆係唔會請過新人返嚟，直至公司出現嚴重人手不足導致出現嚴重錯誤為止。
而離職嘅同事，恭喜晒～因為公司唔會有任何花紅同雙糧，之前請嘅大假仲扣錢添。
公司係無IT部門
曾經有同事因為不忿雙糧被扣，臨走嗰日將所有舊e-mail清除晒，仲有公司舊有嘅excel format都全部刪除晒。
順帶一提，我的公司係無IT部門，電腦有事都係打電話畀外判公司求救。
我曾經問過一間公司廿幾人，又有自家System，點解無IT部門？！
根本老闆所講，公司電腦正常嚟講唔會經常壞，所以公司唔需要一個部分每日返工，等啲電腦壞。
員工嘅拼搏程度
另外，公司只得水煲無飲水機，想飲水自己去廁所裝水煲熱再飲，夜晚七點後要熄冷氣，有一半以上同事仲用緊舊嘅厚版螢幕…
其實，員工嘅拼搏程度，好睇老闆到底將員工當係「支出」定「資源」。
不過咁，呢間「神奇公司」入面嘅同事，似乎好樂意將自己當係支出，係老闆嘅負擔，每日返工就係對老闆嘅贖罪。
請到呢班員工，真係老闆嘅一生福氣。（利申：已離職）
編按：藍橘子為80後網絡作家，憑【我是技安，我出席了大雄的葬禮】網絡創作爆紅。
延伸閱讀：
每個打工仔都一定有 24小時運作的工作Group
