返工太得閒成打工仔困擾 網民:冇嘢做到唔知點寫CV

返工太得閒成打工仔困擾 網民:冇嘢做到唔知點寫CV

【打工仔困擾】返工係為錢,定係學嘢想有更多經驗?早前有網民呻自己份工太得閒,想知有咩方法消磨下時間。依加忙到甩轆嘅你,唔好講去廁所,就連呼吸都唔夠時間,係咪好想下一秒就退休,勁羨慕啲返筍工(假設你依一刻心目中筍工嘅定義係冇嘢做好清閒嘅工)。

撰文:麗爾|圖片:電視截圖

之前返過一份工,有一段長時間都冇咩嘢做,手板眼見功夫嘅工作可以勁快做完。

每次去問人有冇嘢俾你做,其實都好尷尬⋯⋯因為人哋都冇嘢分到俾你做⋯⋯問得多都覺得自己煩。

由於我坐嘅位置,係大部分人經過都見到我做緊咩,所以就算冇嘢做,同工作無關嘅網站,上司都希望我自律啲唔好上⋯⋯

有一次,我上司同我講:「你係咪冇嘢做啊?唔緊要,呢邊有啲雜誌,你可以睇住先。」

睇到呢到,相信你一定都為我感高興⋯⋯

但唔好開心住,我上司口中嘅雜誌,其實只係公司寄俾客嘅月刑⋯⋯

原來,返工冇嘢做都係一種困擾?近日網民就提出有關嘅問題:

 

有相同經歷嘅網民,有以下心得/意見:

【打工仔困擾】1.一邊返工一邊搞自己生意

返工 得閒 打工仔困擾 CV
【打工仔困擾】圖片:電視截圖

【打工仔困擾】2.上班時=電影時間

返工 得閒 打工仔困擾 CV
【打工仔困擾】圖片:電視截圖

【打工仔困擾】3.遇上體貼上司有意幫你

返工 得閒 打工仔困擾 CV
【打工仔困擾】圖片:電視截圖

【打工仔困擾】4.冇嘢做 又冇可以吹水嘅同事

返工 得閒 打工仔困擾 CV
【打工仔困擾】圖片:電視截圖

【打工仔困擾】5.覺得自己生活頹廢

【打工仔困擾】6.年輕嘅身軀老人嘅心態

 

返工 得閒 打工仔困擾 CV
【打工仔困擾】圖片:電視截圖

延伸閱讀:返工所有同事都係奸 網民:公司是非多過宮廷劇

【公司是非精】一入職個個都對你好好,你信咗,好天真咁以為人人都咁善良,咁你咪中伏囉。最怕係一種人,面帶微笑,扮到好貼地好親民,掩飾得好到隨時你用透視鏡都睇唔透⋯⋯

撰文:麗爾|圖片:電視截圖

剛入職時,唔明點解附近幾位全職同事lunch都要避咗佢。

睇佢個樣都好心底善良feel,又叻女,都幾睇住我哋班新同事⋯⋯

直到同啲同事混熟咗,佢哋先話:「啊妹係因為你唔影響佢升職,你先唔發覺佢衰。我明職場有啲人係唔鍾意幫人,因為唔想益其他人,但唔洗都去害人⋯⋯」

事源係呢個女仔瘋狂地係背後搬弄是非,唔只篤背脊博上司歡心,挑撥離間,功勞永遠自己攞晒,總之講唔完佢啲衰嘢⋯⋯

呢種人,注定永遠無朋友,食飯無飯腳啦?

你就錯啦,佢仲會好自然咁,一到lunchtime自動過嚟⋯⋯

其實一諗到同俾佢害過嘅同事食飯,佢仲係可以好relax,面不改容食得好開心,有時仲講下笑過氹大家開心 (當然無人笑無人俾反應)

望住佢個樣,我諗起古裝劇入面嗰啲修煉咗幾千年嘅妖精,好懷疑佢都有份⋯⋯

近日有網民就返工都係奸所有同事發表討論,以下5種常見情況,你公司又有冇出現?

【公司是非精】1.錯少少就死硬

有啲同事天生黑面,把口好賤,真係會鬧到你眼濕濕。

其實還好,因為佢唔妥你,佢願意俾你知。你應該慶幸你遇到佢,因為呢種同事算唔上奸,最多⋯⋯真係講嘢mean啲,令人聽到好唔舒服。

公司是非精 返工 同事 公司 是非 宮廷劇
【公司是非精】圖片:電視截圖

【公司是非精】2. 篤背脊成公司文化

正所講「上樑不正下樑歪」,當你公司所有人都咁做,你自然會俾呢種文化感染,覺得好正常。

當你上司鍾意咁做,你唔多唔少都會覺得迎合佢係一件啱嘅事,甚至會覺得係呢份工嘅其中一樣負任。

公司是非精 返工 同事 公司 是非 宮廷劇
【公司是非精】圖片:電視截圖

【公司是非精】3.推卸負任

「呢樣唔關我事㗎,你問返相關同事啦。」

但明明就你負責,你咪嗰位相關同事~

「咁啊,err,之前我哋無做過啊,唔知個程序係點,不如今次你幫手做咗先啦,因為時間緊急嘅關係⋯⋯」

呢啲真係太極高手,永遠、所有事都唔關佢事,會氹到你幫手做,但深信有得呢次破例,咁下一次都會係你做。

公司是非精 返工 同事 公司 是非 宮廷劇
【公司是非精】圖片:電視截圖

【公司是非精】4.只求生存

好多人都會話: 自己是無辜的,我只係唔想被傷害

然後以保護自己為理由,去傷害別人⋯⋯

其實呢個咪係惡性循環⋯⋯冤冤相報何時了

公司是非精 返工 同事 公司 是非 宮廷劇
【公司是非精】圖片:電視截圖

【公司是非精】5.為自己舖路

「你同其他同事爭升職機會,佢無得升,你嘅機會自然大好多。」

憑住呢個理論,相信好多人為競爭而無辜受害捲入戰爭。

當然仲有幾個自以為與世無爭嘅同事⋯⋯對呢啲辦公室政治仲係懵然不知。

公司是非精 返工 同事 公司 是非 宮廷劇
【公司是非精】圖片:電視截圖