人工唔高 身邊人踩多你兩腳 別讓家底影響自信 心態上要贏返|Purple弟弟|職場制勝

人工唔高 身邊人踩多你兩腳 別讓家底影響自信 心態上要贏返|Purple弟弟|職場制勝

人工職場制勝】12,500呢個數,係我人生畢業後第一份長工嘅人工!人工低過全港打工仔中位數,當初擊敗眾多考生,成為當屆公開試中20%直入到大學嘅人之一,到出社會人工高唔過50%打工仔。雖然失落總有,但身為當事人,我好清楚大學生已非天之驕子,但唔清楚嘅往往係我身邊嘅人。
撰文:Purple弟弟 | 圖片:電視截圖、unsplash

人工唔高 身邊人踩多你兩腳

崩口人忌崩口碗,身邊有同事、親戚好肥,你唔會行埋去叫佢肥仔、肥婆;

青春期皮膚多暗瘡你都唔想俾同學指住笑「爛面怪」!

其賓肥嘅人知自己肥,皮膚唔好嘅人亦知道自己皮膚唔好,唔需要你地多加「提點」。

同樣道理,我知我人工唔高,往往父母就會踩多你兩腳。

職場制勝 人工 返工 同事 員工 辦公室 自卑 壓力
我知我人工唔高,往往父母就會踩多你兩腳。圖片:電視截圖

「讀咁多書點解份工搵得咁少?咁讀嚟做咩?」

你估我想……

「啊媽我做樓面都有15,000蚊,不如你過嚟做。」

對唔住,我自尊心承受唔到,好似話緊我讀咁多書搵工都要靠老母,仲要唔係啲咩筍工。

職場制勝 人工 返工 同事 員工 辦公室 自卑 壓力
我自尊心承受唔到,好似話緊我讀咁多書搵工都要靠老母。圖片:unsplash

自卑同壓力源源不絕

不過出嚟做得嘢耐少少,就會知道呢個社會笑貧不笑娼!

好老實講,一個人最快評定你有冇料、成功與否,最快速又客觀嘅方法就係人工!

不過世上唔通人人都高人工,我都有唔少同職級同事,人工同我一樣低又做得開心。

雖然目前我都叫做緊想做嘅工作,但點解我無佢咁開心?

因為心態!

職場制勝 人工 返工 同事 員工 辦公室 自卑 壓力
不過出嚟做得嘢耐少少,就會知道呢個社會笑貧不笑娼!圖片:unsplash

對將來嘅迷茫

我發覺令我咁大壓力嘅原因來自對將來嘅迷茫!

加上我無任何「後路」,只要我「開路」失敗,我呢世人就係咁!

喺一次傾談之中,發現同事原來屋企算係小康之家。

職場制勝 人工 返工 同事 員工 辦公室 自卑 壓力
我發覺令我咁大壓力嘅原因來自對將來嘅迷茫!圖片:unsplash

父母有車有樓留俾佢

父母百年歸老都叫做有車有樓留俾佢。

所以佢心態放得好開,可以盡情做自己想做嘅事。

佢有自信、有理想、有目標,所以呢位同事工作唔單止有熱情,工作效率成績都有目共睹。

職場制勝 人工 返工 同事 員工 辦公室 自卑 壓力
同事工作唔單止有熱情,工作效率成績都有目共睹。圖片:unsplash

放唔開人工低呢個陰霾

反之,我再望下自己!成日放唔開人工低呢個陰霾,好驚就咁一世!

加上時間唔等人,今年無進步就又浪費一年,父母遲早都有退休嘅一日,要照顧佢地之餘病痛都會增加!

唔咁偉大講父母,淨係講我自己,我唔想到我40幾歲仲係日日搵人工然後比業主,日復日咁行屁走肉。

職場制勝 人工 返工 同事 員工 辦公室 自卑 壓力
成日放唔開人工低呢個陰霾,好驚就咁一世!圖片:電視截圖

呢種壓力令我變得怕事,對自己無信心,更加想逃避一切,承認自己就係呢個水平,唔好再逼我!

我知,我一旦咁諗,將會萬劫不復。

所以我想同咁多位低人工打工仔講聲,家底係重要,但我哋改變唔到!

不過由今日起,我會學識唔好比家底影響自信,心態上要贏返嚟。

職場制勝 人工 返工 同事 員工 辦公室 自卑 壓力
由今日起,我會學識唔好比家底影響自信,心態上要贏返嚟。圖片:電視截圖

 

相關文章